تەننيس • 12 تامىز، 2022

1/16 فينالعا شىعا المادى

22 رەت كورسەتىلدى

قازاقستاندىق تەننيسشى ەلەنا رىبا­كينا كانادانىڭ تورونتو قالاسىندا WTA 1000 كاتەگورياسى بويىنشا ءوتىپ جاتقان ءتۋرنيردىڭ 2-ءشى اينالىمىندا امەريكالىق كوري گاۋففتان جەڭىلىپ قالدى. ءۇش سەتتىڭ قورىتىندىسى: 4:6، 7:6، 6:7.

كوري گاۋفف – الەمنىڭ 11-راكەتكاسى جانە ۇلكەن دۋلىعا ءتۋرنيرىنىڭ ەكى دۇركىن فينالىنا شىققان جاس تا بولسا، تاجىريبەلى تەننيسشى. ويىن بارىسىندا جاقىندا عانا ۋيمبلدون جەڭىمپازى بولعان رىباكينا ۇتىمدى ساتتەردىڭ وزىندە كوپتەگەن ماجبۇرلىكسىز قاتەلىككە بوي الدىرسا، بۇل – قازاقستاندىق تەننيسشىنىڭ ۋيمبلدونداعى جەتىستىگىنەن كەيىنگى ۇشىراپ وتىرعان قاتارىنان ەكىنشى جەڭىلىسى. بۇعان دەيىن ول سان-حوسەدەگى (اقش) ءتۋرنيردىڭ ءبىرىنشى اينالىمىندا رەسەيلىك داريا كاساتكينادان جەڭىلىپ قالعان ەدى.

تورونتوداعى تۋرنيرگە قاتىسىپ جاتقان تاعى ءبىر قازاقستاندىق، الەمنىڭ 46-راكەتكاسى يۋليا پۋتينتسەۆا ەكىنشى اينالىمدا يسپانيالىق پاۋلو بادوسانى تەحنيكالىق جەڭىلىسكە ۇشىراتتى. ەندى پۋتينتسەۆا ءۇشىنشى اينالىمدا امەريكالىق ەليسون ريسكپەن وينايدى.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار