سپورت • 12 تامىز، 2022

شاحماتشىلاردىڭ تاريحي جەتىستىگى

38 رەت كورسەتىلدى

ءۇندىستاننىڭ چەنناي قالا­سىندا ەكى اپتاعا جالعاسقان شاحماتتان ەرلەر جانە ايەل­دەر اراسىنداعى 44-ءشى وليمپيادا ءوز مارەسىنە جەتتى. الەمنىڭ 186 مەملەكەتى قا­تىسقان بيىلعى بايراقتى باسەكەدە قازاقستاننىڭ قىز­دار قۇراماسى تاريحي ناتي­جەگە قول جەتكىزىپ، وليم­پيادا تاريحىندا العاش رەت توپ-5 ۇزدىك قۇرامانىڭ قاتارىنان كورىندى.

جارىستىڭ سوڭعى كۇنىندە قىز­دا­رىمىز ءۇندىستاننىڭ ءۇشىنشى قۇرا­مىمەن كەزدەسىپ، 2،5-1،5 ەسەبى­مەن باسىم ءتۇستى. بۇل ويىندا قازاق­ستاندىقتاردان جانسايا ابدىمالىك پەن ءبيبىسارا اساۋباەۆا جەڭىسكە جەتسە، كسەنيا بالاباەۆا تەڭ وينادى. وكىنىشكە قاراي، گ ۇلىسحان ناقباەۆا قارسىلاسىنا جول بەردى.

ءسويتىپ، 11 تۋردىڭ 8 ويى­نىن­دا جەڭىسكە جەتىپ، 2 رەت جە­ڭىل­گەن جانە ءبىر ويىندا تەڭ تۇس­كەن قازاق­ستان­نىڭ قىزدار قۇرا­ما­سى 17 ۇپاي جيناپ، بيىلعى وليم­پيادانى بە­سىنشى ورىنمەن تۇ­يىندەدى. بۇل – وليمپيادا تاري­حىنداعى قازاق­ستاندىق زەردەلىلەر ويىنى شەبەر­لەرىنىڭ ەڭ ۇزدىك ناتيجەسى. بۇعان دەيىن جەر­لەستەرىمىز 2014 جىلى نور­ۆە­گيا­نىڭ ترومسە قالاسىندا ۇيىم­داستىرىلعان 41-ءشى شاحمات وليم­پياداسىندا التىنشى ورىن­عا تابان تىرەپ، جانكۇيەرلەردىڭ قو­شەمەتىنە بولەنگەن ەدى.

ءۇندىستاندا وتكەن وليمپيادادا قازاقستان قىزدار قۇراماسى ساپىنان جانسايا ابدىمالىك (22 جاس)، ءبيبىسارا اساۋباەۆا (18 جاس)، كسەنيا بالاباەۆا (17 جاس)، گ ۇلىس­حان ناقباەۆا (31 جاس) جانە قوسالقى قۇرام ويىنشىسى رە­تىندە نازەركە نۇرعالي (18 جاس) باق سىنادى. اتالعان بەس شاحمات­شىنىڭ ىشىندە 2021 جىلعى جىلدام شاحماتتان الەم چەمپيونى ءبيبىسارا اساۋباەۆا عانا بارلىق 11 تۋردا ويناپ شىقتى. ەڭ قىزىعى، وليمپيادادا دەمالىسسىز ونەر كورسەت­كەن وتانداسىمىز بىردە-ءبىر قارسى­لاسىنا ەسە جىبەرگەن جوق. ول – 4 ويىن­دا مىقتىلىق تانىتسا، التى كەز­دەسۋدە تەڭ ويىن كور­سەتتى. سون­داي-اق 11 تۋردا جالپى سانى 8 ۇپاي جيناپ، قۇراماداعى ەڭ ۇزدىك نا­تي­جەگە قول جەتكىزدى. ال ءار قۇراما­نىڭ ەڭ ۇزدىك سپورتشىلارى وينايتىن ءبىرىنشى تاقتادا باق سىناعان جانسايا ابدىمالىك وليمپيادانىڭ قولا جۇلدەگەرى اتاندى. ول 9 پارتيادا 7 ۇپاي جيناعان. ەكىنشى تاقتادا وينا­عان ب.اساۋباەۆا ءتور­تىنشى ورىننان كو­رىندى.

قىزدار اراسىنداعى وليمپيا­دا­نىڭ قورىتىندىسى بويىنشا ەشبىر ويىندا جەڭىلمەگەن ۋكراينا (7 جەڭىس، 4 تەڭ) قىزدارى چەمپيون اتان­دى. كەيىنگى ەكى ورىنعا گرۋزيا (8 جەڭىس، 2 تەڭ، 1 جەڭىلىس) جانە ءۇندىس­تان (8 جەڭىس، 1 تەڭ، 2 جەڭىلىس) قۇرا­مالارى جايعاستى.

قازاقستاننىڭ ەرلەر قۇراماسى دا سوڭعى تۋردا ءۇندىستاننىڭ ءۇشىن­شى ءنومىرلى شاحماتشىلارىمەن شە­بەرلىك بايقاسىپ، 2:2 ەسەبىمەن تەڭ ءتۇستى. قۇرامىندا رينات جۇماباەۆ (33 جاس)، الىشەر سۇلەيمەنوۆ (22 جاس)، مۇرتاس قاجىعاليەۆ (49 جاس)، ارىستانبەك ورازاەۆ (24 جاس) جانە قازىبەك نوگەربەك (18 جاس) بار قازاقستان شاحماتشىلارى وليمپيادا بارىسىندا 7 تۋردا قارسىلاستارىن تىزە بۇكتىرىپ، ءبىر ويىندا تەڭ ناتيجە كورسەتتى. وكىنىشكە قاراي، ءۇش كەزدەسۋدە جەڭىلىستىڭ كەرمەك ءدامىن تاتۋعا ءماجبۇر بولدى.

وسى ناتيجەلەردەن كە­يىن جەر­­­لەس­­تەرىمىز وليمپيادانى 17-ورىنمەن تۇيىندەدى. قازاق­ستان­نىڭ بۇ­عان دەيىنگى ەڭ ۇزدىك كور­سەتكىشى – 19-ورىن بولاتىن. ەل قۇرا­ماسى ساپىندا باق سى­نا­عان شاح­ماتشىلاردىڭ جەكەلەي كورسەتكىش­تەرىنە توقتالار بول­ساق، 11 تۋردىڭ 10 ويىنىنا قا­تىس­قان ق.نوگەربەك 7،5 ۇپاي جيناپ، قۇرامانىڭ ۇزدىگى اتاندى. كە­يىنگى ورىنعا 11 پارتيادا 7 ۇپاي جيناعان الىشەر سۇلەيمەنوۆ يە بولدى.

ەرلەر اراسىنداعى وليمپيادادا وزبەكستان قۇراماسىنا تەڭ كەلەر قارسىلاس تابىلمادى. الا تاقيالى اعايىندار 11 ويىننىڭ 8-ىندە جەڭىسكە جەتىپ، ۇشەۋىندە تەڭ وينادى. ارمەنيا (9 جەڭىس، 1 تەڭ، 1 جەڭىلىس) مەن ءۇندىستان-2 (8 جەڭىس، 2 تەڭ، 1 جەڭىلىس) سپورتشىلارى ەكىنشى جانە ءۇشىنشى ورىنداردى ءوزارا ءبولىستى.

شاحماتشىلاردىڭ ەندىگى وليمپياداسى 2024 جىلى ماجارستاننىڭ باس شاھارى – بۋداپەشتتە وتەتىن بولدى. ال 2026 جىلعى وليمپيادانى وزبەكستان استاناسى – تاشكەنت قالاسى ۇيىمداستىرادى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار