ايماقتار • 12 تامىز، 2022

«التىن تاي» اياگوزدىڭ ەنشىسىندە

100 رەت كورسەتىلدى

سورەدەن سۋىرىلىپ شىققان 45 تايدىڭ ىشىنەن مارە سىزىعىن ءبىرىنشى بولىپ اياگوز اۋدانىنىڭ اقباستاۋ اتتى تايى كەستى. كاتونقاراعايدا ءوتىپ جاتقان «شىعىستىڭ التىن تايى-2022» بايگەسىنە اباي، الماتى مەن جەتىسۋ، باتىس قازاقستان، قاراعاندى وبلىستارى مەن نۇر-سۇلتان قالاسىنان كەلگەن اتبەگىلەر 100-دەن استام تۇلپاردى توپقا قوستى.

ات ءدۇبىرى ەستىلسە، وزگە ءىسىن ىسىرا سالا يپپودرومعا اعىلار ەل بۇگىن دە كاتون­قاراعايدىڭ اتشابارىنان تابىلدى. قازان كوتەرىلدى، قىمىز ساپىرىلدى... اۋىز­دىقتارىن قارش-قارش شايناعان سايگ ۇلىكتەردى تىزىمدەگەنشە جينالعان ەل جەرگىلىكتى انشىلەردىڭ كونتسەرتىن تاماشالادى. ساحناعا «جەرۇيىق» ءانسامبلى شىققاندا، حالىق ۇزاق شاپالاق سوعىپ، ەرەكشە قوشەمەت كورسەتتى. ەرەكشە قۇر­مەت بىلدىرگەنى، «جەرۇيىق» توبىنىڭ مۇشەلەرى جيىرما جىل بۇرىن تاراسىپ كەتكەن ەدى. ەستى دە ەسكى اندەرىن كورەر­­­مەنى ابدەن ساعىنىسىپتى. بىلە­تىن شىعارسىزدار، «ازيا داۋىسى» فەستيۆالىندە قازاقستاننان جۇلدەگە ىلىن­گەن ەكى انسامبل بولسا، سونى ءبىرى «جەر­­­ۇيىق»، ەكىنشىسى «روكساناكي» توبى ەدى.

سونىمەن، تاي تىزگىندەگەن بالالار ءدۇر ەتىپ شابا جونەلدى. شاپقان توپتىڭ سوڭىنان شۇباتىلا شاڭ قالدى. بەس جارىم شاقىرىمدى ءبىرىنشى باسىپ وتكەنى كولىكتىڭ كىلتىنە يە بولادى. بۇل ءدۇبىرلى دوداعا كاتونقاراعايدىڭ ءمارت ازاماتتارى ەكى كولىك جانە اقشالاي سىيلىقتار تىكتى. «شىعىستىڭ التىن تايى-2022» ءدۇبىرلى دوداسىندا تۇلپارلار تاي جارىسى، جورعا، قۇنان بايگە، توپ بايگە جانە الاماننان سىنعا ءتۇستى. 

ايتا كەتەرلىگى، تاي جارىسقا توعىز جۇلدە تاعايىندالدى. بىلتىر عانا جەلىدە بايلاۋلى تۇرعان ق ۇلىندار مارەگە جاقىنداعان سايىن تاقىم قىسقان قالىڭ ەل قيقۋ قوسىپ، شۋلاي بەردى. انە-مىنە دەگەنشە مارەنى اياگوز اۋدانىنان كەلگەن دانا ءاليجاننىڭ اقباستاۋ اتتى تايى قيىپ ءوتتى. ەكىنشى ورىندى دا اياگوزدىك تالعات تولقىنباەۆتىڭ «اياگوز» اتتى سايگ ۇلىگى ەنشىلەدى. مارەگە ءۇشىنشى بولىپ اباي وبلىسى، كوكپەكتى اۋدانىنان كەلگەن رۋسلان شايىرعازيننىڭ «ايەركە» اتتى تايىنىڭ تۇياعى ءتيدى. ايتقانداي، العاشقى كەلگەن توعىز تاي دا جۇلدەسىز قايتپادى.

كەزەك كوپشىلىك كوپتەن كۇتكەن الا­مان­عا كەلدى. جيىرما بەس شاقىرىمدى ءبىرىنشى بولىپ باعىندىرماق نيەتتە بابى مەن باعى كەلىسكەن ەلۋدەن استام تۇلپار شىقتى. كورەرمەندەردىڭ ءبىرى توبىلعى تورى ءبىرىنشى كەلەدى دەسە، ەندى ءبىرى كۇرەڭ قاس­قا­نىڭ ءبىتىمى بولەك دەپ، كۇرەڭبايداي تۇلپارلاردى سىناسىپ، قاۋقىلداسىپ وتىردى.

ە

سوڭعى اينالىم. ءبىرى ىلگەرى، ءبىرى كەيىن، توپتاسا شاپتى تۇلپارلار. قارا ۇزگەن بەس-التى شاباندوز ۇزەڭگى قاعىستىرا مارەنى ءبىر ساتتە قيىپ وتكەنىمەن، جۇزدەن جۇيرىك دەگەن بار. سونىمەن، سۋ جاڭا اۆتوكولىكتىڭ كىلتىن قاراعاندىدان كەلگەن قىلقۇيرىقتىڭ قانجىعاسىنا بايلادى. ەكىنشى ورىن جارمالىق داستان توعىزباەۆتىڭ سايگ ۇلىگىنە بۇيىرسا، ءۇشىنشى ورىندى ءۇرجاردان كەلگەن ەرجان كەرەيباەۆتىڭ «امانات» اتتى سايگ ۇلىگى الدى.

ءدۇبىرلى تويدا بالۋاندار دا اتقا قونىپ، اۋدارىسپاققا شىقتى. بىلەكتىلەرى قارا كۇشكە سالسا، ەپتىلەرى ايلامەن الىپ جاتتى. 90 كيلوعا دەيىنگى سالماقتا مار­قاكول وڭىرىنەن كەلگەن بەيبىت بايتالوۆ مىقتى­لىق تانىتسا، 90 كيلودان جوعارى سالماقتا تارباعاتاي اۋدانى اتىنان شىققان شىڭعىس مانار ۇلى I ورىن الدى. ال ەكىنشى، ءۇشىنشى ورىندى كاتونقاراعاي اۋدانىنىڭ بالۋاندارى يەلەندى. 

جارىس سوڭىندا اۋدان باسشىلىعى جەڭىمپازداردى ماراپاتتاپ، اق جول، جەڭىستى ساتتەر تىلەدى.

– بۇگىنگى شارانىڭ وتۋىنە زور ۇلەس قوسىپ، قولداۋ كورسەتكەن جەرگىلىكتى كاسىپكەرلەر مەن  اۋدان ازاماتتارىنا العىس بىلدىرەمىن. كەلەسى جىلى دا وسىنداي شارالاردى اۋدانىمىزدا وتكىزۋگە نيەتتىمىز. ال «التىن تاي-2022» بايگەسىندە توپ جارعان جەڭىمپازداردى شىن جۇرەكتەن قۇتتىقتايمىن! ەندىگى تاي جارىس ءداستۇر بويىنشا اياگوز اۋدانىندا وتەدى، – دەدى كاتونقاراعاي اۋدانىنىڭ اكىمى ءدىلدار قاليقان ۇلى.

ەستەرىڭىزگە سالا كەتسەك، بىلتىر ال­­ما­تىدا وتكەن تاي جارىستا كاتون­قا­راعاي اۋدانىنىڭ تۋماسى رۋسلان ومىر­بەك ۇلىنىڭ «ايكا» اتتى تايى ءبىرىن­شى كەلگەن ەدى. راس، كاتونقاراعايدان جۇيرىكتەر كوپ شىعادى. جۋىقتا عانا اقسۋاتتا ۇيىمداستىرىلعان 140 شاقى­رىم­­دىق الاماندا وسى اۋداننىڭ ەگىندى اۋىلىنان قوسىلعان تۇلپار توپ جارعان ەدى.

 

شىعىس قازاقستان وبلىسى،

كاتونقاراعاي اۋدانى

سوڭعى جاڭالىقتار

ەلىمىزدە 175 ادام كوروناۆيرۋس جۇقتىردى

كوروناۆيرۋس • بۇگىن، 09:06

«ايبوز» دارابوزدارى انىقتالدى

ادەبيەت • بۇگىن، 08:55

پرەزيدەنت قۇتتىقتاۋى

پرەزيدەنت • بۇگىن، 08:50

ەلدىك نيەت

ايماقتار • بۇگىن، 08:48

كەزەكتە – جەر ۇيلەر

ايماقتار • بۇگىن، 08:46

زاڭ جوباسى قارالدى

ساياسات • بۇگىن، 08:42

ءتيىمدى ىنتىماقتاستىق

ساياسات • بۇگىن، 08:38

جەڭىستىڭ باستاۋى – حالىق

قوعام • بۇگىن، 08:27

اسىل تۇقىمنىڭ پايداسى

ايماقتار • بۇگىن، 08:24

بەرەكەلى اقباس سيىر

ەكونوميكا • بۇگىن، 08:20

اۆتوجولدىڭ سان الۋان ماسەلەسى

ەكونوميكا • بۇگىن، 08:18

ىشكى جالپى ءونىم 4 پايىزعا وسەدى

ەكونوميكا • بۇگىن، 08:14

ينفلياتسيانىڭ كەزەكتى تولقىنى

ەكونوميكا • بۇگىن، 08:10

اۋرۋدىڭ الدىن الايىق!

مەديتسينا • بۇگىن، 08:08

ءبىلىم كوكجيەگىن كەڭەيتكەن

عىلىم • بۇگىن، 08:06

ساپاسىز ويىنشىقتىڭ زالالى

ايماقتار • بۇگىن، 08:04

قاراۋسىز مال اپاتقا ۇرىندىرادى

ايماقتار • بۇگىن، 08:02

كولىك گازىنا ۋلانعان

ايماقتار • بۇگىن، 07:59

قۇمار ويىننىڭ قۇرباندارى

قوعام • بۇگىن، 07:56

سۇلۋلىق ساپارى

رۋحانيات • بۇگىن، 07:54

ۇقساس جاڭالىقتار