ايماقتار • 11 تامىز، 2022

تۇركىستاندا مەديتسينالىق-اقپاراتتىق Call-ورتالىق اشىلدى

44 رەت كورسەتىلدى

تۇركىستان وبلىسىندا تاۋلىك بويى جۇمىس ىستەيتىن بىرىڭعاي مەديتسينالىق-اقپاراتتىق Call-ورتالىق اشىلدى. دەنساۋلىق ساقتاۋ سالاسىنداعى ساپانى جاقسارتۋ ءۇشىن وبلىستىق قوعامدىق دەنساۋلىق باسقارماسى جانىنان قۇرىلعان سall-ورتالىققا ءوڭىردءىڭ كەز كەلگەن تۇرعىنى 1305 قىسقا ءنومىرىن تەرۋ ارقىلى حابارلاسا الادى.

وبلىستىق مەديتسينالىق قىزمەتتەردىڭ جۇمىسىن ۇيلەستىرۋدى جاقسارتۋ، ازاماتتاردىڭ بارلىق ءوتىنىشتەرىن ۋاقتىلى باقىلاۋ، سونداي-اق اقپاراتتىق-تالداۋ ورتالىعىن قۇرۋ، تۇرعىندارعا ساپالى قىزمەت كورسەتۋ نەگىزگى مىندەتى  بولىپ سانالاتىن ورتالىقتىڭ اشىلۋ سالتاناتىنا وبلىس اكىمىنىڭ ورىنباسارى ارمان سابيتوۆ، قوعامدىق دەنساۋلىق باسقارما باسشىسى مارات پاشيموۆ قاتىستى. «تۇرعىندار Call-ورتالىققا قوڭىراۋ شالىپ، بەلگىلى ءبىر مەديتسينالىق مەكەمەنىڭ نەمەسە ناقتى ماماننىڭ جۇمىسى تۋرالى شاعىم جاساپ،دەنساۋلىق ساقتاۋ سالاسىندا كاسىبي جاۋاپتار الا الادى. Call-ورتالىققا كەلىپ تۇسكەن شاعىمدار شۇعىل تۇردە قارالىپ، وپەراتورلاردىڭ قىزمەت كورسەتۋ ساپاسىن باقىلاۋ جونىندەگى باس دارىگەرلەردىڭ ورىنباسارلارىمەن تىكەلەي بايلانىسى ارقىلى پىسىقتالاتىن بولادى. شاعىمدار نەگىزىندە توقسان سايىن وبلىستىڭ مەديتسينالىق ۇيىمدارىنىڭ رەيتينگتەرى جاسالادى»، دەيدى مارات پاشيموۆ.

ن

ورتالىقتا 12 ادام جۇمىس ىستەيدى. ونىڭ ىشىندە 10 وپەراتور بار. ولاردىڭ ءبارى – مەديتسينا سالاسىنىڭ وكىلدەرى. تۇركىستان وبلىسى بويىنشا 1305 نومىرىنە ۇيالى تەلەفونداردان قوڭىراۋ شالۋ تەگىن.  ورتالىق مەديتسينا مەكەمەلەرى مەن حالىق اراسىنداعى بايلانىستى جاقسارتىپ، قىزمەت ساپاسىن ارتتىرادى دەپ جوسپارلانىپ وتىر.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار