باقىتگۇل حامەنوۆانىڭ ادۆوكاتى يگور ۆرانچەۆ سوتتان ءوز كليەنتىنىڭ بۇلتارتپاۋ شاراسىن وزگەرتۋدى, ونى تەرگەۋ يزولياتورىنان ءۇي قاماعىنا اۋىستىرۋدى سۇرادى. سونداي-اق ايىپتالۋشى مەن ونىڭ اناسىنىڭ دەنساۋلىعىن ەسكەرۋدى, كامەلەتكە تولماعان بالالارىنىڭ بارىن العا تارتتى.
بۇل ءوتىنىشتى باسقا ايىپتالۋشىلاردىڭ ادۆوكاتتارى قولدادى. وزگە ايىپتالۋشىلار تاراپىنان وتىنىشحاتقا بايلانىستى نارازىلىق بولعان جوق.
اتىراۋ وبلىستىق پروكۋراتۋراسى باسقارماسىنىڭ پروكۋرورى, كىشى ادىلەت كەڭەسشىسى لاۋرا اسانوۆا سوتتان ءوتىنىشتى قاناعاتتاندىرۋدان باس تارتۋدى سۇرادى. سوت ادۆوكاتتىڭ وتىنىشىنە قاتىستى ازىرگە ناقتى شەشىم شىعارعان جوق.
ەسكە سالا كەتەيىك, بۇگىن باقىتگۇل حامەنوۆاعا قاتىستى سوت وتىرىسى ءوتىپ جاتىر.
باقىتگۇل حامەنوۆا مەن اقىلبەك رىسقاليەۆتىڭ ءىسى قر قىلمىستىق كودەكسىنىڭ 366-بابىنىڭ 3-بولىگىنىڭ 3-تارماعىمەن تەرگەلگەن. ال, «بالقىتۋ» جشس ديرەكتورى ءومىرتاي اداموۆ قر قىلمىستىق كودەكستىڭ 367-بابىنىڭ 2-بولىگىمەن تەرگەۋگە الىنعان.
باقىتگۇل حامەنوۆانىڭ ىسىنە قاتىستى ايىپتاۋ اكتىسى 55 بەتتى قۇراعان.
