پرەزيدەنت • 11 تامىز، 2022

مەملەكەت باسشىسى جوعارعى سوت توراعاسىن قابىلدادى

46 رەت كورسەتىلدى

قاسىم-جومارت توقاەۆ جوعارعى سوت توراعاسىنىڭ ەلىمىزدەگى سوت تورەلىگىنىڭ قازىرگى احۋالى تۋرالى بايانداماسىن تىڭدادى، دەپ حابارلايدى Egemen.kz اقورداعا سىلتەمە جاساپ.

جاقىپ اسانوۆ قاسىم-جومارت توقاەۆقا قىلمىستىق پروتسەستە اۋىر جانە اسا اۋىر قىلمىستار بويىنشا اقتاۋ ۇكىمدەرىنىڭ سانى 7 ەسە ارتقانىن جەتكىزدى. قۇقىق قورعاۋ ورگاندارى قاماۋعا الۋعا قاتىستى ءاربىر بەسىنشى ىسكە سانكتسيا الا الماعان. ءاربىر ءۇشىنشى شاعىم بويىنشا سوتتار تەرگەۋشىلەر مەن پروكۋرورلاردىڭ ارەكەتتەرىن زاڭسىز دەپ تانىعان.

پرەزيدەنتكە ازاماتتىق داۋلار بويىنشا جۇمىس ءتاسىلىنىڭ وزگەرگەنى باياندالدى. سوتتار اكىمدىكتەرمەن بىرلەسىپ، داۋلاردى شەشۋدىڭ سوتتان تىس ينستيتۋتتارىن دامىتىپ كەلەدى. داۋسىز تالاپ ارىزدار نوتاريسۋتارعا بەرىلگەن جانە اربيتراجداردىڭ، مەدياتورلاردىڭ، زاڭ كونسۋلتانتتارى مەن ەڭبەك ينسپەكتورلارىنىڭ قۇزىرەتتەرى كەڭەيتىلگەن. ناتيجەسىندە، 4 جىل ىشىندە سوتقا تۇسەتىن تالاپ ارىزدار سانى 2،5 ەسەگە – 900 مىڭنان 340 مىڭعا دەيىن ازايعان. سوتتاعى تاتۋلاسۋمەن اياقتالعان ىستەر 37 پايىزعا دەيىن ارتتى.

بيىل 1 تامىزدان باستاپ اۋماقارالىق سوتتىلىق ەنگىزىلدى. ىستەر اۆتوماتتى تۇردە سۋديالاردىڭ ماماندانۋىن ەسكەرە وتىرىپ، ءبىر سوتتىڭ ىشىندە ەمەس، بۇكىل ەل اۋماعىنداعى سوتتاردىڭ اراسىندا بولىنەدى. جاقىپ اسانوۆتىڭ ايتۋىنشا، بۇل – جەمقورلىققا قارسى جاڭا ءادىس.

مەملەكەت باسشىسى قىلمىستىق جانە ازاماتتىق ىستەر بويىنشا سوت پروتسەستەرىنىڭ ساپاسىن ارتتىرۋعا، سونداي-اق سوت كادرلارىن ىرىكتەۋدى جەتىلدىرۋگە باعىتتالعان قادامدار قاجەت ەكەنىن اتاپ ءوتتى.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار