ۇكىمەت • 11 تامىز، 2022

ۇكىمەت باسشىسى وتاندىق ءوندىرىستى قولداۋدى تاپسىردى

332 رەت كورسەتىلدى

پرەمەر-مينيستر ءاليحان سمايىلوۆ ماشينا جاساۋدى دامىتۋ ماسەلەلەرى جونىندە كەڭەس وتكىزدى، دەپ حابارلايدى Egemen.kz ۇكىمەتتىڭ رەسمي سايتىنا سىلتەمە جاساپ.

يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ ءوز بايانداماسىندا 2022 جىلدىڭ 6 ايىنىڭ قورىتىندىسى بويىنشا ماشينا جاساۋ ءوندىرىسى وتكەن جىلدىڭ سايكەس كەزەڭىمەن سالىستىرعاندا 37%-عا (اقشالاي بالامادا) وسكەنىن حابارلادى. سالاعا تارتىلعان ينۆەستيتسيالار كولەمى 23%-عا ۇلعايدى.

كەڭەس بارىسىندا «قازاقستان ماشينا جاساۋشىلار وداعى» زتب باسقارما توراعاسى مەيرام پىشەمباەۆ وتاندىق ءوندىرىستى قولداۋدىڭ بىرقاتار باعىتى بويىنشا سالا وكىلدەرىنىڭ ۇسىنىستارىن ايتتى.

وڭدەۋ سەكتورىنىڭ كاسىپورىندارىن قولداۋ بويىنشا جۇمىس شەڭبەرىندە شيكىزات، ماتەريالدار مەن قۇرامداس بولشەكتەردى يمپورتتاۋ كەزىندە ەسەپكە جاتقىزۋ ادىسىمەن قوسىلعان قۇن سالىعىن تولەۋ تەتىگىن قولدانۋ 2024 جىلعا دەيىن ۇزارتىلعانى اتاپ ءوتىلدى. بۇل رەتتە ينۆەستيتسيالىق جوبالاردى ىسكە اسىرۋ ءۇشىن قاجەتتى مەتالل ونىمدەرىن ققس وسى ادىسپەن تولەنەتىن يمپورتتالاتىن تاۋارلار تىزبەسىنە قوسۋ ۇسىنىلدى. سونداي-اق ءونىمدى ەكسپورتتاۋ كەزىندە ققس-نى جەدەل قايتاراتىن وڭدەۋشى سەكتور كاسىپورىندارىن قامتۋدى كەڭەيتۋ ۇسىنىلادى.

پرەمەر-مينيستر اتالعان ۇسىنىستاردى قولداپ، ءتيىستى مەملەكەتتىك ورگاندارعا قاجەتتى شەشىمدەردىڭ جوبالارىن ەنگىزۋدى تاپسىردى.

ء«بىز وتاندىق ءوندىرىستىڭ ءوسىپ، وركەندەۋىنە مۇددەلىمىز. ول ءۇشىن قولداۋ شارالارىمەن قامتۋ كەڭەيتىلەدى. سونداي-اق ساتىپ الۋلار كەزىندە جەرگىلىكتى قامتۋدى ۇلعايتۋ ماسەلەلەرىنە ەرەكشە نازار اۋدارۋ قاجەت»، دەدى ءاليحان سمايىلوۆ.

پرەمەر-مينيستر وسى باعىتتار بويىنشا ءتيىستى مەملەكەتتىك ورگاندارعا بىرقاتار تاپسىرما بەردى.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار