4 تامىزدا «قاراسورا-2022» جەدەل پروفيلاكتيكالىق ءىس-شاراسى اياسىندا شۋ ستانساسىنداعى تەمىرجولدىڭ تۇيىقتالعان باسىندا 49 جاستاعى جامبىل وبلىسىنىڭ تۇرعىنى ۇستالدى. تەكسەرۋ بارىسىندا ودان وزىندىك ءيىسى بار جاسىل ءتۇستى زات سالىنعان قاپ تابىلىپ, تاركىلەپ الىندى.
ۇستالعان ازاماتتىڭ ءۇيىنىڭ اۋلاسىنان دا وزىندىك ءيىسى بار وسىمدىك تەكتەس زات تابىلىپ, تاركىلەندى. ساراپتاما قورىتىندىسىنا سايكەس, بۇل «كەپتىرىلگەن ماريحۋانا» بولىپ شىقتى, جالپى سالماعى 45 كەلى 340 گر.
ۇستالعان ازامات بۇعان دەيىن وسىعان ۇقساس قىلمىس جاساعانى ءۇشىن قىلمىستىق جاۋاپكەرشىلىككە تارتىلعان. قازىر ول شۋ اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قامالدى.
ۆەدومستۆونىڭ مالىمەتىنشە, وسى جىلدىڭ 1 ماۋسىمىنان باستاپ «قاراسورا» جەدەل-پروفيلاكتيكالىق ءىس-شاراسىن وتكىزۋ بارىسىندا كولىك پوليتسياسى قىزمەتكەرلەرى 60 ەسىرتكى قىلمىسىن انىقتادى. 60 كەلىدەن استام ەسىرتكى زاتتارى زاڭسىز اينالىمنان تاركىلەندى.
