قازاقستان تەننيس فەدەراتسياسىنىڭ مالىمەتى بويىنشا, كۋكۋشكين باستاپقى كەزدەسۋىن امەريكالىق گوۆيندا ناندامەن وتكىزىپ, ەكى ساعاتتان اسا ۋاقىتقا جالعاسقان تارتىستى باسەكەدە 3:6, 6:4, 6:3 ەسەبىمەن جەڭىسكە جەتتى. ەندى جەرلەسىمىز ءتۋرنيردىڭ ەكىنشى كەزەڭىندە حورۆاتيالىق بورن گويومەن كەزدەسەدى. ول العاشقى اينالىمدا الەمنىڭ 102-ءشى, وسى جارىستىڭ 1-راكەتكاسى شۆەيتساريالىق حەنري لااكسونەندى 3:6, 7:6 (7:5), 6:4 ەسەبىمەن ۇتقان.
سونداي-اق كانادانىڭ تورونتو قالاسىندا ءوتىپ جاتقان ماستەرس دوداسىندا يۋليا پۋتينتسەۆا جۇپتىق سىندا امەريكالىق سوفيا كەنينمەن بىرگە العاشقى اينالىمدا ماجارستاندىق اننا بوندار مەن بەلگيالىق كيمبەرلي تسيممەرماننان باسىم ءتۇستى – 7:6 (12:10), 7:5. وكىنىشكە قاراي, كانادانىڭ مونرەال قالاسىنداعى تۋرنيرگە قاتىسقان قازاقستاننىڭ ءبىرىنشى راكەتكاسى الەكساندر بۋبليك العاشقى كەزدەسۋىندە ۇتىلىپ, جارىستان شىعىپ قالدى. سول سياقتى دميتري پوپكو مەن تيموفەي سكاتوۆ تا چيكاگوداعى جانە سان-مارينوداعى چەللەندجەر تۋرنيرلەرىنىڭ العاشقى اينالىمىنان ارىگە اسا المادى.
