بۇگىن يسلام ىنتىماقتاستىعى ويىندارىنىڭ رەسمي ەكىنشى جارىس كۇنى ءوتىپ جاتسا دا, قازىرگى تاڭدا ەل قورجىنىندا 5 التىن, 1 كۇمىس, 4 قولا مەدال بار. سونىڭ ىشىندە توعىز جۇلدە ۆەلوسپورتشىلارعا تيەسىلى. ايەلدەر اراسىندا سىنعا تۇسكەن رەناتا سۇلتانوۆانىڭ ءبىر ءوزى ءۇش قاشىقتىقتا توپ جارىپ, التىننان القا تاقسا, ەرلەر باسەكەسىندە ارتەم زاحاروۆ پەن الىشەر جۇماقان مارەگە ءبىرىنشى بولىپ جەتتى. سونداي-اق الىشەر جۇماقان سكرەتچ باعدارلاماسى بويىنشا قولا جۇلدەگەر اتاندى. ال دميتري نوسكوۆ جەكەلەي سىندا كۇمىس جۇلدە ەنشىلەسە, مارينا كۋزمينا مەن سۆەتلانا پاششەنكو قولاعا قول جەتكىزدى. تاعى ءبىر قولا جۇلدەنى ۇستەل تەننيسىنەن دەنيس جولۋدەۆ جەڭىپ الدى.
جالپىكوماندالىق ەسەپتە ازىرگە تۇركيا قۇراماسى توپ باستاپ تۇر. انادولى ەلىنىڭ سپورتشىلارى بۇگىنگە دەيىن 16 التىن, 14 كۇمىس, 9 قولا مەدال جەڭىپ العان. ەكىنشى ساتىعا يران سپورتشىلارى جايعاسقان. ولاردىڭ ەنشىسىندە 6 التىن, 10 كۇمىس, 4 قولا جۇلدە بار.
