«ايدىڭ قورىتىندىسى بويىنشا, تەڭگەنىڭ ايىرباس باعامى 477,07-گە دەيىن 1,5 پايىزعا قالىپتى تۇردە السىرەدى. مۇنداي ديناميكاعا سىرتقى فاكتورلار دا, ىشكى فاكتورلار دا ىقپال ەتتى. ەكىنشى اي قاتارىنان مۇنايعا باعا بەلگىلەۋ تومەندەگەنىن اتاپ وتكەن ءجون. بۇدان باسقا, اقش-تا مولشەرلەمەنى اگرەسسيۆتى كوتەرۋ – ۇلتتىق ۆاليۋتاعا, سونداي-اق دامۋشى نارىقتاردىڭ ۆاليۋتالارىنا قىسىم جاساۋىن توقتاتقان جوق. ىشكى فاكتورلار جاعىنان جالعاسىپ كەلە جاتقان دەمالىستار كەزەڭى مەن كومپانيالاردىڭ ديۆيدەند تولەۋى ءبىر اي ىشىندە شەتەل ۆاليۋتاسىنا دەگەن سۇرانىستىڭ ارتۋىنا ىقپال ەتتى», دەدى ءاليا مولدابەكوۆا.
ماسەلەن, ونىڭ دەرەگىنشە, ساۋدا-ساتتىقتىڭ ورتاشا ءبىر كۇندىك كولەمى وتكەن ايداعى 96,4 ملن اقش دوللارىمەن سالىستىرعاندا شىلدەدە 118,6 ملن اقش دوللارىنا دەيىن ۇلعايدى.
شىلدەنىڭ سوڭىنا قاراي تەڭگە باعامى پوزيتسياسىن ءبىرشاما قالپىنا كەلتىرىپ, ەكسپورتتاۋشىلاردىڭ سالىعى ارقاسىندا السىرەۋ قارقىنىن ازايتتى.
«كۆازيمەملەكەتتىك سەكتور سۋبەكتىلەرىنىڭ 543,9 ملن اقش دوللارى كولەمىندە ساتۋى, سونداي-اق 599,2 ملن اقش دوللارى مولشەرىندە ۇلتتىق قوردان ترانسفەرتتى قامتاماسىز ەتۋ ءۇشىن ۆاليۋتانى ساتۋى ايىرباس باعامىنا ءبىر اي بويى قولداۋ كورسەتتى. ۇلتتىق بانك ۆاليۋتالىق ينتەرۆەنتسيا جۇرگىزگەن جوق», دەدى ول.
