«بۇگىنگى كۇنى سىرداريا وزەنىنىڭ ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ جونىندەگى جوبانىڭ ءبىرىنشى كەزەڭى (ساراتس-1) اياسىندا سالىنعان كوكارال بوگەتى قايتا جاڭارتۋدى تالاپ ەتەدى. سۋ كولەمى 27 ملرد تەكشە مەتر بولاتىن شاعىن ارال تەڭىزىنىڭ ءبىر وبلىستا عانا ەمەس, الەۋمەتتىك-ەكونوميكالىق دامۋعا ايتارلىقتاي اسەر ەتەتىنىن ەسكەرە وتىرىپ, مەملەكەت باسشىسى 2019 جىلى ۇكىمەتكە شاعىن ارالدى ساقتاۋ بويىنشا ءىس-شارالار قابىلداۋدى تاپسىردى», دەدى ۇكىمەت باسشىسى دەپۋتاتتار جولداعان ساۋالعا بەرگەن جاۋابىندا.
پرەمەر-مينيستر بۇل ماسەلە ۇكىمەتتىڭ نازارىندا ەكەنىن ايتتى.
«وسىعان بايلانىستى, 2020 جىلى «كوكارال بوگەتىن ساقتاۋ جانە سىرداريا وزەنىنىڭ ساعاسىن قالپىنا كەلتىرۋ» جوباسىنىڭ جوبالاۋ-سمەتالىق قۇجاتتاماسىن ازىرلەۋگە رەسپۋبليكالىق بيۋدجەتتەن 100,5 ملن تەڭگە ءبولىندى. بۇگىنگى تاڭدا جوبالىق-سمەتالىق قۇجاتتاما ازىرلەندى. جوبانىڭ جسق-سىنا مەملەكەتتىك ساراپتاما قورىتىندىسى وسى جىلدىڭ قىركۇيەك ايىندا شىعۋى كەرەك. قۇرىلىس-مونتاج جۇمىستارىن 2023 جىلى باستاۋ جوسپارلانىپ وتىر», دەدى ءاليحان سمايىلوۆ.
