قازاقستان تەننيس فەدەراتسياسىنان ءمالىم ەتكەنىندەي, م. كۋكۋشكين باستاپقى كەزدەسۋىن امەريكالىق گوۆيندا ناندامەن وتكىزدى. قازاقستاندىق تەننيسشى ەكى ساعاتتان استام ۋاقىتقا سوزىلعان تارتىستى باسەكەدە 3:6, 6:4, 6:3 ەسەبىمەن جەڭىسكە جەتتى.
م. كۋكۋشكين شيرەك فينالعا شىعۋ ءۇشىن حورۆاتيالىق بورن گويومەن تالاسادى. ول الەمنىڭ 102-ءشى, جارىستىڭ 1-راكەتكاسى, شۆەيتساريالىق حەنري لااكسونەندى 3:6, 7:6 (7:5), 6:4 ەسەبىمەن ۇتىپ كەتتى.
تاعى ءبىر قازاقستاندىق دميتري پوپكو چيكاگودا امەريكالىق بەن شەلتونعا جول بەردى – 0:6, 6:7 (5:7).
تيموفەي سكاتوۆ سان-مارينو چەللەندجەر جارىسىندا يتاليالىق الەكساندر ۆايستان ۇتىلىپ قالدى – 3:6, 1:6.
تورونتو ماستەرس دوداسىندا يۋليا پۋتينتسەۆا جۇپتىق سىندا امەريكالىق سوفيا كەنينمەن بىرگە العاشقى اينالىمدا ماجارستاندىق اننا بوندار – بەلگيالىق كيمبەرلي تسيممەرماننان باسىم ءتۇستى – 7:6 (12:10), 7:5.
