قوعام • 10 تامىز، 2022

ەلىمىزدە رەسپۋبليكالىق «جاس ورەن» بايقاۋى وتەدى

1569 رەت كورسەتىلدى

پرەزيدەنت جانىنداعى ايەلدەر ىستەرى جانە وتباسىلىق –دەموگرافياىق ساياسات جونىندەگى ۇلتتىق كوميسسيا 2022 جىلدى شىلدە ايىنىڭ 25 جۇلدىزىنان باستاپ بالالار ءانى جانە بالالار پوەزياسىنا (ولەڭ ،جىر،تاقپاق) ارنالعان اقىندار مەن كومپوزيتورلار اراسىندا رەسپۋبليكالىق بايقاۋ جاريالايدى، دەپ حابارلايدى Egemen.kz.

كونكۋرستىڭ ماقساتتارى مەن مىندەتتەرى:

- ونەر تۋىندىلارى ارقىلى پاتريوتيزم مەن ۇلتتىق مادەنيەتكە دەگەن سۇيىسپەنشىلىكتى قالىپتاستىرۋ;

- جاس ەرەكشەلىگىنە ساي جاڭا مۋزىكالىق شىعارمالاردىڭ جازىلۋىنا جول اشۋ;

- وتاندىق اۆتورلاردى قولداۋ;

- بالاباقشا جانە مەكتەپ جاسىنداعى بالالاردىڭ رەپەرتۋارىن تولىقتىرۋ;

-         وتانعا قىزمەت ەتۋگە، جوعارى پاتريوتتىق نيەتتەرگە وڭ كوزقاراس قالىپتاستىرۋ.

كونكۋرس 2022 جىلدىڭ 25 شىلدە مەن 15 قازان ارالىعىندا وتكىزىلەدى.

شىعارمالار ەركىن تاقىرىپتا (وتانسۇيگىشتىك، اتا-اناعا دەگەن ماحاببات، ەلدى قورعاۋ، تابيعات جايىندا جانە ت.ب.) جازىلادى. كونكۋرس شىعارمالاردىڭ ءتۇرى بويىنشا كەلەسى ەكى نوميناتسيالارعا بولىنەدى:

  • بالالارعا ارنالعان اندەر. بالاباقشا جانە مەكتەپ جاسىنداعى بالالاردىڭ اندەرى.
  • بالالار پوەزياسى. ەركىن تاقىرىپتاعى تاقپاق، ولەڭ، جىر تۋىندىلارى

ايتا كەتەيىك، كونكۋرسقا قاتىسۋ ءۇشىن بۇرىن كوپشىلىك الدىندا ورىندالماعان، جاريالانباعان جانە باسقا كونكۋرستارعا قاتىسپاعان تۋىندىلار ۇسىنىلادى.

كونكۋرسقا قاتىسۋ ءۇشىن قاتىسۋشىلار وتىنىممەن بىرگە مىناداي قۇجاتتار مەن ماتەريالداردى قوسا بەرە وتىرىپ، 2022 جىلعى 25 شىلدەدەن باستاپ  15 قازانعا دەيىن وسى قاعيدالارعا 1-قوسىمشاعا سايكەس نىسان بويىنشا وتىنىمدەر جىبەرەدى:

  • PDF فورماتىندا جەكە كۋالىگى قۇجاتىنىڭ كوشىرمەسى;
  • شىعارماشىلىق ءومىربايانى;
  • كونكۋرسكا قاتىسۋشىنىڭ 13ح18 سانتيمەتر ولشەمىندەگى ءتۇرلى-ءتۇستى فوتوسۋرەتى (JPEG فورماتىندا);
  • تۋىندىنىڭ مر3 فورماتىنداعى اۋديوجازباسى;
  • ەكى نوميناتسياعا دا Word قۇجاتىنداعى تۋىندىنىڭ ءماتىنى (قارىپ – Times New Roman، مولشەرى №14، جولارالىق ينتەرۆال – ءبىر جولدىق);
  • اندەر نوميناتسياسىنا پارتيتۋرا جانە كلاۆير («Finale» نەمەسە «Sibelius» نوتالىق رەداكتورلار نەمەسە JPEG نەمەسە PDF فورماتىنداعى باسقا نوتالىق رەداكتورلار فورماتىندا).
  • قازاقستان رەسپۋبليكاسىنىڭ ەكىنشى دەڭگەيدەگى بانكتە جەكە شوتىنىڭ بولۋى تۋرالى انىقتاما.

وتىنىمدەر مىنا ەلەكتروندى پوشتاعا جىبەرىلەدى: zhas.oren@gmail.com. انىقتاما تەلەفوندارى: 87751459053

سوڭعى جاڭالىقتار

ۇقساس جاڭالىقتار