سپورت • 10 تامىز، 2022

ۇزدىكتەر قاتارىنان شىعىپ قالدى

38 رەت كورسەتىلدى

ءۇندىستاندا ءوتىپ جاتقان شاحماتتان دۇنيەجۇزىلىك وليمپيادانىڭ 10-تۋرىندا قازاقستاننىڭ قىزدار قۇراماسى جەرگىلىكتى شاحماتشىلارمەن، ەرلەر حورۆاتيامەن شەبەرلىك بايقاستى.

جارىس قوجايىندارىمەن وتكەن كەزدەسۋدە قازاقستاندىق قىزدار 0،5-3،5 ەسەبىمەن جەڭىلىپ قالدى. ەل قۇراماسى ساپىنان ءبيبىسارا اساۋباەۆا عانا تەڭ ناتيجەگە قول جەتكىزسە، جانسايا ابدىمالىك، كسەنيا بالاباەۆا جانە گ ۇلىسحان ناقباەۆا قارسىلاستارىنا جول بەردى. وسىلايشا، 10 تۋردىڭ قورىتىندىسى بويىنشا قازاقستاننىڭ قىزدار قۇراماسى 7 جەڭىس، 1 تەڭ جانە 2 جەڭىلىسپەن الەمدىك رەيتينگتە 8-ورىنعا ءتۇسىپ قالدى. بۇل ماتچتىڭ الدىندا جەرلەستەرىمىز ءۇشىنشى ورىندا تۇرعان ەدى.

ال قازاقستاننىڭ ەرلەر قۇراماسى 10-تۋردا حورۆاتيامەن كەزدەسىپ، 3-1 ەسەبىمەن باسىم ءتۇستى. جەرلەستەرىمىزدەن الىشەر سۇلەيمەنوۆ پەن ارىستانبەك ورازاەۆ ءوز ويىندارىن جەڭىسپەن اياقتاسا، رينات جۇماباەۆ پەن قازىبەك نوگەربەك تەڭ ءتۇستى.

سوڭعى جاڭالىقتار

ۇقساس جاڭالىقتار