تەننيس • 10 تامىز، 2022

تورونتودا تابىسقا جەتە الا ما؟

27 رەت كورسەتىلدى

تەننيستەن قازاقستاننىڭ ءبىرىنشى، الەمنىڭ 27-راكەتكاسى ەلەنا رىباكينا كانادانىڭ تورونتو قالاسىندا جالاۋى جەلبىرەگەن WTA 1000 ءتۋرنيرىن جەڭىسپەن باستادى.

قازاقستاندىق تەننيسشى العاشقى اينالىمدا الەمنىڭ 47-راكەتكاسى چەحيالىق ماريا بوۋزكوۆامەن شەبەرلىك بايقاستى. كەزدەسۋدىڭ ءبىرىنشى پارتياسىندا رىباكينا باسىم بولدى – 7:5. ەكىنشى سەتتە تارازى باسى ۇزاق ۋاقىت تەڭسەلىپ تۇردى. تابلوداعى كورسەتكىش 5:5 بولعان مەزەتتە م.بوۋزكوۆا برەيك جاساعانىمەن (6:5)، ەلەنا 12 گەيمدە تارازى باسىن قايتا تەڭەستىردى – 6:6. الايدا تاي-برەيك بوۋزكوۆانىڭ پايداسىنا شەشىلدى – 7:6 (7:3). ءۇشىنشى، شەشۋشى پارتيانى قازاقستاندىق تەننيسشى برەيكپەن باستادى – 1:0. ماتچ سوڭىنا دەيىن قارقىنىن ءبىر ساتكە دە باسەڭدەتپەگەن وتانداسىمىز 6:1 ەسەبىمەن جەڭىسكە جەتتى. ەلەنا ەكىنشى اينالىمدا امەريكالىقتار كوري گاۋفف نەمەسە مەديسون برەنگلدىڭ بىرىمەن كەزدەسەدى.

سونداي-اق تورونتوداعى تۋرنيرگە قاتىسىپ جاتقان تاعى ءبىر جەرلەسىمىز يۋليا پۋتينتسەۆا دا ەكىنشى اينالىمعا جولداما الدى. ءبىرىنشى اينالىمدا ول دۇنيەجۇزىلىك رەيتينگتە 299-ورىندا تۇرعان كانادالىق كەترين سەبوۆپەن شەبەرلىك بايقاسىپ، ءۇش سەتتە – 3:6، 6:2، 7:5 ەسەبىمەن جەڭىسكە جەتتى. يۋليا ەكىنشى اينالىمدا يسپانيالىق پاۋلا بادوسامەن كەزدەسەدى..

سوڭعى جاڭالىقتار

ۇقساس جاڭالىقتار