كوروناۆيرۋس • 09 تامىز، 2022

الماتىعا QazVac پەن Pfizer-ءدىڭ 60 مىڭعا جۋىق دوزاسى جەتكىزىلەدى

40 رەت كورسەتىلدى

قىركۇيەك جانە قازان ايلارىندا الماتى قالاسىنا QazVac، Pfizer ۆاكتسينالارى جەتكىزىلەدى. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ وكىلى گۇلجاينات تىلەگەن ونلاين بريفينگتە ايتتى، دەپ حابارلايدى Egemen.kz.

ونىڭ ايتۋىنشا، ەگۋ پۋكتتەرىندە ۆاكتسينا قورى جەتكىلىكتى.

«بۇگىنگى تاڭدا بىزدە QazVaس ۆاكتسيناسىنىڭ 2 مىڭعا جۋىق دوزاسى جانە Pfizer ۆاكتسيناسىنىڭ 2 مىڭعا جۋىق دوزاسى بار»، دەدى دارىگەر.

قىركۇيەك پەن قازان ايلارىندا الماتىعا QazVac-تىڭ 28 200 دوزاسى جانە Pfizer-ءدىڭ (Comirnaty) 26 910 دوزاسى جەتكىزىلەدى دەپ كۇتىلۋدە. سوڭعى پرەپارات اسىرەسە جاسوسپىرىمدەرگە، جۇكتى جانە بالا ەمىزەتىن ايەلدەرگە ارنالعان.

«بۇعان دەيىن Pfizer ۆاكتسيناسىن الۋعا نيەت بىلدىرگەن تۇرعىنداردىڭ بارىنە سالدىق. قازىر ونى شەكتەدىك. ەندى ول ءۇش ساناتتاعى ازاماتتارعا عانا ەگىلەدى. اتاپ ايتقاندا، جاسوسپىرىمدەرگە، جۇكتى جانە بالا ەمىزەتىن ايەلدەرگە، دەدى گۇلجاينات تىلەگەن.

سوڭعى جاڭالىقتار

ۇقساس جاڭالىقتار