فۋتبول • 09 تامىز، 2022

پلەي-وففتان تىس قالدى

16 رەت كورسەتىلدى

وتكەن دەمالىس كۇندەرى فۋتبولدان قازاقستان كۋبوگى جولىنداعى توپتىق كەزەڭنىڭ بەسىنشى تۋر ويىندارى ءوتىپ، كەلەسى كەزەڭگە جولداما العان تاعى بىرنەشە كوماندا بەلگىلى بولدى.

تۇركىستان وبلىسىنىڭ «ماقتاارال» كلۋبى كۋبوك جولىنداعى باسەكەنىڭ ءتورتىنشى تۋرىندا-اق پلەي-وفف ماسەلەسىن شەشىپ قويعان بولسا، بەسىنشى تۋردا كەلەسى كەزەڭگە جولداما العان تاعى ءتورت كلۋب بەلگىلى بولدى. ولار: «قايرات»، «تاراز»، شاحتەر» جانە «استانا». الماتىلىق كلۋب وتكەن تۋردا سىرت الاڭدا «ورداباسى» كلۋبىنان 3:1 ەسەبىمەن باسىم تۇسسە، «تاراز» قوستانايدا «توبىلدى» 3:5 ەسەبىمەن تىزە بۇكتىردى. سونداي-اق قاراعاندىنىڭ «شاحتەرى» تۇركىستاندا «تۇراندى» جەڭىپ كەتتى – 2:0. ال «استانا» ءوز الاڭىندا «جەتىسۋمەن» تەڭ تۇسسە دە (2:2)، كەلەسى كەزەڭگە شىقتى.

«ورداباسى»، «اتىراۋ»، «قايسار»، «كاسپي» جانە «اقجايىق» كلۋبتارىندا ءالى دە پلەي-وففقا شىعۋ مۇمكىندىكتەرى بار. ول ءۇشىن اتالعان كوماندالار التىنشى تۋردا جەڭىسكە جەتۋى كەرەك. ال «اقتوبە»، «توبىل»، «تۇران»، «اقسۋ»، «قىزىلجار» جانە «جەتىسۋ» توپتىق كەزەڭنەن شىعا المادى.

سوڭعى جاڭالىقتار

جاپونيادا جەر سىلكىندى

الەم • بۇگىن، 10:22

ۇقساس جاڭالىقتار