«جىل باسىنان بەرى ەل اۋماعىندا ەكى مىڭنان استام پاتەر ۇرىسى ۇستالدى. ونىڭ ىشىندە ءار قالاعا بارىپ پاتەر تونايتىن 95 ۇرى بار. 194 قىلمىستىق توپ پەن 2 ۇيىمداسقان قىلمىستىق توپتىڭ جولى كەسىلدى», دەدى س. جانتەمىروۆ ونلاين بريفينگتە.
ونىڭ ايتۋىنشا, بيىل مامىر ايىندا شىمكەنت قالاسىندا ۇيىمداسقان قىلمىستىق توپ مۇشەلەرى ۇستالدى. ولار 2021 جىلدان باستاپ تۇركىستان وبلىسىنىڭ بىرنەشە اۋدانىندا پاتەر توناۋعا قاتىستى 70 قىلمىس جاساعان.
سونىڭ ىشىندە 35 قىلمىس بيىل تىركەلدى. ۇرلانعان زاتتاردى ولار شىمكەنتتەگى لومباردتارعا وتكىزىپ وتىرعان. كەلتىرىلگەن شىعىن سوماسى 100 ملن تەڭگەدەن استى. ىزدەستىرۋ ءىس-شارالارى كەزىندە ءۇيدى بۇزىپ كىرۋگە ارنالعان 32 قۇرال, 52 زەرگەرلىك بۇيىم تاركىلەندى.
بۇدان بولەك, 2022 جىلدىڭ ماۋسىم ايىندا ورال قالاسىندا قىلمىس جاساپ جاتقان جەرىندە ۇيىمداسقان قىلمىستىق توپ قۇرىقتالدى. ولار 2021 جىلدان بەرى وبلىس اۋماعىندا پاتەر توناۋدى كاسىپكە اينالدىرعان. كۇدىكتىلەردىڭ 6 قىلمىسقا قاتىسى دالەلدەنگەن.
