جارىستىڭ كەزەكتى كۇنىندە 200 مەتر قاشىقتىققا كانوەدە ەسۋ بويىنشا سىنعا تۇسكەن قازاقستان كومانداسىنىڭ وكىلى, ازيا چەمپيوناتىنىڭ بىرنەشە دۇركىن جەڭىمپازى مەن جۇلدەگەرى اتانعان 24 جاستاعى ۆيكتور ستەپانوۆ 39,44 ۋاقىت كورسەتكىشىمەن مارەگە ءۇشىنشى جەتىپ, الەم بىرىنشىلىگىنىڭ قولا جۇلدەگەرى اتاندى. باس جۇلدە پولشا سپورتشىسى ولەكسي كولياديچكە بۇيىرسا, گەرمانيالىق نيكو پيكەرت كۇمىس جۇلدەنى ەنشىلەدى.
ايتا كەتەيىك, بۇل – قازاقستان قۇراماسىنىڭ بايداركا مەن كانوەدە ەسۋ بويىنشا 17 جىلدان كەيىن جەڭىپ العان العاشقى, جالپى ەكىنشى مەدالى. بۇعان دەيىن جەرلەستەرىمىزدەن 2005 جىلى ۇيىمداستىرىلعان الەمدىك دودادا جەڭىس ساتىبالدين دە ەل قورجىنىنا قولا جۇلدە سالعان بولاتىن. جەڭىس تە سول جىلى ءدال وسى قاشىقتىقتا مارەگە ءۇشىنشى بولىپ جەتكەن ەدى.
