«ازاماتتىق اۆياتسيا كوميتەتى اۋە تاسىمالداۋشىلارىن جولاۋشىلاردىڭ قۇقىقتارىن بۇزعانى ءۇشىن جاۋاپكەرشىلىككە تارتۋ ءىسىن جالعاستىرۋدا. 2022 جىلدىڭ 16 شىلدەسىندە «ەير استانا» كومپانيالار توبىنا كىرەتىن «Fly Arystan» بولىمشەسى الماتى - اتىراۋ باعىتى بويىنشا كس-7202 رەيسىن 12 ساعات 9 مينۋتقا كەشىكتىرگەنى انىقتالدى. ال ۇشاقتى وسىنشا ۋاقىت بويى كۇتكەن جولاۋشىلارعا قر اۋە كەڭىستىگىن پايدالانۋ جانە اۆياتسيا قىزمەتى تۋرالى زاڭنىڭ 86-بابىنىڭ 1-بولىگىندە كوزدەلگەن قىزمەتتەر, اتاپ ايتقاندا, قوناق ءۇي ۇسىنۋ قىزمەتتەرى تيىسىنشە ۇسىنىلماعان», دەپ جازىلعان كوميتەت حابارلاماسىندا.
وسىلايشا, اۋە كومپانياسىنا 4 تامىزدا اكىمشىلىك قۇقىق بۇزۋشىلىق تۋرالى كودەكستىڭ 567-بابىنىڭ 2-بولىگى بويىنشا 1 000 اەك (3 063 000 تەڭگە) ايىپپۇل سالىنعان.
«بۇل «ەير استانا» توبىن اۋە رەيسىنە جولاۋشىلاردىڭ قۇقىعىن بۇزعانى ءۇشىن وتكەن ايدا سالىنعان ءتورتىنشى ايىپپۇل», دەدى كوميتەت توراعاسى تالعات لاستاەۆ.
