الەمدىك دودانىڭ ەكىنشى كۇنىندە قازاقستان قۇراماسىنىڭ قورجىنىنا ءۇش مەدال ءتۇستى. ەرلەر اراسىندا 51 كيلوعا دەيىنگى سالماقتا سىنعا تۇسكەن تەمىرلان تىلەۋلەس پەن قىزدار باسەكەسىندە 46 كيلودا دايانگقا شىققان ايدانا سۇندەتباي كۇمىسپەن كۇپتەلسە, اسەت ەرعاليەۆ (48 كيلو) قولانى قاناعات تۇتتى.
باس جۇلدە ءۇشىن وتكەن فينالدىق باسەكەدە ايدانا سۇندەتباي وڭتۇستىك كورەيا سپورتشىسى يۋنسەو كيمنەن ايلاسىن اسىرا المادى. سونداي-اق تەمىرلان تىلەۋلەس تە وڭتۇستىك كورەيا سپورتشىسىنان ۇتىلىپ قالدى.
سوفياداعى الەم چەمپيوناتىندا قازاقستاننىڭ 20 سپورتشىسى ونەر كورسەتۋدە. جاسوسپىرىمدەر اراسىنداعى الەم بىرىنشىلىگى 7 تامىزدا مارەسىنە جەتەدى.
