كورتقا ءبىرىنشى بولىپ جەرلەستەرىمىزدەن دانيەل تازابەكوۆ شىعىپ, سالۆاتورە تارتالونەمەن شەبەرلىك بايقاستى. العاشقى پارتيادا دانيەل قارسىلاسىنا بىردە-ءبىر گەيم بەرگەن جوق – 6:0. ەكىنشى سەتتىڭ بەسىنشى گەيمىندە برەيك جاساپ, سول باسىمدىعىن ماتچ سوڭىنا دەيىن ساقتاپ قالدى – 6:3. زاڭعار نۇرلان ۇلى مەن انتونيو ماريليانو دا اسا تارتىستى ماتچ وتكىزدى. ءبىرىنشى پارتيادا يتاليالىق سپورتشىنىڭ باعى جاندى – 6:4. ەكىنشىسىندە دە ول ء«ا» دەگەننەن 3:1 ەسەبىمەن العا شىقتى. دەگەنمەن ودان كەيىنگى سەتتەردە زاڭعار تارازى باسىن تەڭەستىرىپ قانا قويماي, پارتيانى ءوز پايداسىنا جازدى – 6:4. ءۇشىنشى, شەشۋشى پارتيانىڭ سەگىزىنشى گەيمىندە قازاقستاندىق تەننيسشى برەيك جاساپ, سودان كەيىن ءوزى دوپ بەرگەندە ماتچتىڭ نۇكتەسىن قويدى – 6:3.
وسىلايشا, الەم چەمپيوندارىن ۇتقان قازاقستان جاسوسپىرىمدەر قۇراماسى تاريحتا العاش رەت دۇنيەجۇزىلىك دودانىڭ شيرەك فينالىنا شىعىپ, ۇزدىك سەگىز كوماندانىڭ قاتارىنا ەندى. جەرلەستەرىمىز توپتىق كەزەڭنىڭ العاشقى ماتچىندا ەكۆادورعا 1:2 ەسەبىمەن جول بەرسە, كەلەسى كۇنى ارگەنتينانى ءدال وسىنداي ەسەپپەن جەڭگەن ەدى.
