«قوستاناي وبلىسىندا پروكۋراتۋرانىڭ ارالاسۋىنان كەيىن پسيحونەۆرولوگيالىق ينتەرناتتا تۇراتىن مۇگەدەكتىگى بار ادامعا تيەسىلى پاتەرگە ءۇشىنشى تۇلعانىڭ مەنشىك قۇقىعىن تانۋ تۋرالى سوت شەشىمىنىڭ كۇشى جويىلدى. الماتى قالاسىنىڭ پروكۋراتۋراسى «جانۇيا» مامانداندىرىلعان كەشەنىنىڭ 23 تاربيەلەنۋشىسىنە اسىراۋشىسىنان ايرىلۋ جانە مۇگەدەكتىگى بويىنشا جاردەماقى وسىنداي تولەمدەرگە قۇقىق العان ساتتەن باستاپ 5-10 جىلدان كەيىن تاعايىندالعانىن انىقتادى. قاداعالاۋ اكتىسى بويىنشا كىنالى تۇلعالار ەسەبىنەن بالالارعا 10,6 ملن تەڭگە وتەلدى. اقتوبە وبلىسىنىڭ پروكۋرورلارى مۇگەدەكتىگى بار 40 ستۋدەنتكە مەملەكەتتىك ستيپەنديا تولەۋدى قامتاماسىز ەتتى», دەلىنگەن حابارلامادا.
جالپى, پروكۋراتۋرا ورگاندارىنىڭ تەكسەرۋ ناتيجەلەرى نەگىزىندە وسى سالادا 12 سوتقا دەيىنگى تەرگەۋ باستالدى.
«مىسالى, قىزىلوردا وبلىسىندا الەۋمەتتىك قىزمەت كورسەتۋ ورتالىعىنىڭ قىزمەتكەرلەرى وزدەرىنىڭ دارمەنسىز قامقورشىلارىنىڭ دەربەس جانە بيومەتريالىق دەرەكتەرىن پايدالانا وتىرىپ, وزدەرىنە اقشا قاراجاتتارىن, زەينەتاقىلار مەن جاردەماقىلاردى اۋداردى. اتالعان فاكتى بويىنشا وبلىس پروكۋراتۋراسى قك 190-بابى 3-بولىگىنىڭ 3-تارماعى (الاياقتىق) بويىنشا سوتقا دەيىنگى تەرگەۋدى باستادى», دەلىنگەن حابالامادا.
تەكسەرۋ ناتيجەسىندە بارلىعى 336 قاداعالاۋ اكتىسى ەنگىزىلدى, 130 تۇلعا تارتىپتىك جاۋاپكەرشىلىككە, 65 تۇلعا اكىمشىلىك جاۋاپكەرشىلىككە, 2 تۇلعا قىلمىستىق جاۋاپكەرشىلىككە تارتىلدى.
جەرگىلىكتى جەرلەردەگى ۋاكىلەتتى ورگاندار پروكۋرورلار انىقتاعان زاڭ بۇزۋشىلىقتاردى جويۋ جانە ازاماتتاردىڭ بۇزىلعان قۇقىقتارىن قالپىنا كەلتىرۋ ءۇشىن ءتيىستى شارالار قابىلداۋعا كىرىستى.
