ونىڭ ايتۋىنشا, ەكولوگيا دەپارتامەنتىنىڭ ماماندارى «اتىراۋ مۇناي وڭدەۋ زاۋىتى», «المەكس پليۋس», «سۆەتلاند-ويل» جاۋاپكەرشىلىگى شەكتەۋلى سەرىكتەستىكتەرى سەكىلدى ءىرى كاسىپورىندارعا پروفيلاكتيكالىق باقىلاۋ جۇرگىزگەن.
«پروفيلاكتيكالىق باقىلاۋ ناتيجەسىمەن ء«اموز» جشس-عا قاتىستى بىرقاتار بۇزۋشىلىق انىقتالدى. اتاپ ايتقاندا, سارقىندى سۋلاردىڭ توگىندىلەرى تۋرالى مالىمەتتەر دۇرىس تولتىرىلماعان. قالدىقتاردىڭ كولەمى تۋرالى كەستەنى زەردەلەۋ كەزىندە دەرەكتەر تولىق ۇسىنىلماعان. قوندىرعىلاردىڭ اۋماعىندا پايدالانىلعان حيميالىق رەاگەنتتەردىڭ جانە پايدالانىلعان مايلاردىڭ بوشكەلەرى, مەتالل سىنىقتارى, پايدالانىلعان مايلانعان رەزەڭكە بۇيىمدارى, دانەكەرلەۋ ەلەكترودتارىنىڭ تۇقىلدارى انىقتالدى. بەتون سىنىقتارى تۇرىندەگى قۇرىلىس قالدىقتاردى جيناۋعا ارنالعان ارنايى جابدىقتالعان ورىندار جوق ەكەنى بەلگىلى بولدى», دەدى سىرىم تىلەگەنوۆ.
ونىڭ دەرەگىنشە, تەكسەرۋ كەزىندە مەحانيكالىق تازالاۋ قوندىرعىسىنىڭ اۋماعىندا قۇرامىندا مۇنايى بار اعىندار ورنالاستىرىلعان. ال بۋلانۋ كەزىندە قالانىڭ اتموسفەرالىق اۋاسىنا تەرىس اسەر ەتەتىن لاستاۋشى زاتتار بولىنەتىن اشىق تۇردەگى №3 قوسىمشا تۇنبا ىدىستارى مەن توعانى بار ەكەنى انىقتالعان.
«كۇكىرت ءوندىرۋ قوندىرعىسىنىڭ پەشتەرىندە, كۇكىرت ءوندىرۋدىڭ ارالاس جانە تەرەڭ وڭدەۋ كەشەنىنىڭ كاتاليتيكالىق كرەكينگ قوندىرعىسىندا سىناما الاتىن قۇرىلعى بولماعان. وسىلايشا, 2021-2023 جىلدارعا ارنالعان ء«اموز» جشس قورشاعان ورتانى قورعاۋ جونىندەگى ءىس-شارالار جوسپارىنىڭ 1.5 تارماعىن ورىنداماعان. قورشاعان ورتاعا ەميسسيالارعا رۇقساتتا كورسەتىلگەن شارتتاردى تولىق كولەمدە ورىنداماي وتىر. بيىلعى جىلدىڭ مامىر-ماۋسىم ايلارىندا ء«اموز» جشس-ءنىڭ 2022 جىلدىق جوسپار-كەستەسىندە كورسەتىلمەگەن قوندىرعىلاردىڭ جوسپاردان تىس تۇرىپ قالۋ اسەرىنەن قورشاعان ورتاعا ەكولوگيالىق رۇقساتسىز ەميسسيالاردى جۇزەگە اسىرعانى انىقتالدى», دەپ ءمالىم ەتتى ول.
وسىنداي بۇزۋشىلىقتاردىڭ ناتيجەسىمەن اتىراۋ مۇناي وڭدەۋ زاۋىتىنا قر اكىمشىلىك قۇقىقبۇزۋشىلىق تۋرالى كودەكسىنىڭ 324, 325, 326, 327, 328, 337, 344-باپتارىمەن جالپى سوماسى 5 ملن تەڭگەدەن استام ايىپپۇل سالىنعان. سونداي-اق «المەكس پليۋس» جشس-ءنىڭ اۋماعىندا پوليەتيلەن قابىقشالارى, اعاش قالدىقتارى, پلاستيكالىق شەلەكتەر, بىتەۋىشتەر سياقتى قالدىقتار شاشىلىپ جاتقانى انىقتالعان. اتالعان سەرىكتەستىككە 150 مىڭ تەڭگەدەن استام ايىپپۇل سالىنىپ وتىر.
