«جىل باسىنان بەرى كوكونىس ونىمدەرىنىڭ باعاسى ەلەۋلى دەڭگەيدە ءوستى, ياعني پياز, كارتوپ جانە ءسابىز قىمباتتاعان. سونىمەن قاتار, قانت باعاسى دا ءوستى», دەدى ە. بالتاەۆ قالالىق ماسليحاتتاعى تۇراقتى كوميسسيانىڭ وتىرىسىندا.
ول قىمباتتاۋ تەندەنتسياسى بارشا الەمدە بايقالعانىنا توقتالا كەتىپ, فاو مالىمەتى بويىنشا ازىق-ت ۇلىك تاۋارلارىنا باعا يندەكسى وتكەن جىلمەن سالىستىرعاندا ماۋسىم ايىندا 20 پايىزعا وسكەنىن ايتتى.
«بۇل تۇرعىدا باستى سەبەپتەردىڭ ءبىرى رەتىندە گەوساياسي احۋال مەن لوگيستيكادا تاۋار تىزبەگىنىڭ بۇزىلۋىن اتاپ وتۋگە بولادى», دەدى ول.
سونىمەن قاتار باسقارما باسشىسى الەۋمەتتىك ماڭىزى بار تاۋارلار ەلدىڭ ىشكى ءوندىرىسى ەسەبىنەن قامتاماسىز ەتىلىپ وتىرعانىن جەتكىزدى. دەگەنمەن قۇس ەتى جانە قانتپەن, ىرىمشىكپەن قامتۋ ءالى دە ءتيىستى دەڭگەيدە ەمەس. بۇل تۇرعىدا جەتىسپەيتىن كولەم يمپورتتالىپ كەلەتىنى ايتىلدى.
