پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن وتكەن ۇكىمەتتىك جيىندا ستۋدەنتتەرگە ارنالعان جاتاقحانالاردى سالۋ بارىسى تالقىلاندى.
«عىلىم جانە جوعارى ءبىلىم مينيسترلىگى وبلىس باسشىلارىمەن جانە نۇر-Cۇلتان, الماتى, شىمكەنت اكىمدەرىمەن بىرلەسە 10 تامىزعا دەيىن ستۋدەنتتىك جاتاقحانالارداعى ورىندارعا تاپسىرىستى ازىرلەپ, بەكىتۋى, سونداي-اق, دەنساۋلىق ساقتاۋ مينيسترلىگىمەن بىرلەسە ءبىلىم نىساندارىنا قويىلاتىن سانيتارلىق-ەپيدەميولوگيالىق تالاپتارعا وزگەرىس ەنگىزۋى قاجەت», دەدى ەرالى توعجانوۆ
وسىعان وراي عىلىم جانە جوعارى ءبىلىم ءمينيسترى ساياسات نۇربەك جوعارعى وقۋ ورىندارى رەكتورلارىنا بارلىق جاتاقحانالارعا رەۆيزيا جۇرگىزىپ, توسەك ورىن سانىن ۇلعايتۋ جولدارىن قاراستىرۋدى تاپسىردى. بۇل شارا قازىرگى احۋالدى انىقتاپ, ستۋدەنتتەرگە ۋاقىتشا تۇرعىن ءۇي سالۋ جوسپارلارىنا تۇزەتۋلەر ەنگىزۋگە مۇمكىندىك بەرەدى. مينيستر سونداي-اق ۋنيۆەرسيتەتتەرگە جاقىن ورنالاسقان جاتاقحانالار مەن قوناقۇيلەر اراسىندا مەموراندۋم جاساۋ تاجىريبەسىن كەڭىنەن قولدانۋ قاجەتتىگىن دە اتاپ ءوتتى.
جيىندا مەملەكەتتىك-جەكەمەنشىك ارىپتەستىك اياسىندا جاتاقحانا سالۋ جوبالارىنداعى قاعازباستىلىقتى جويۋ ماسەلەلەرى دە تالقىلاندى.
ايتا كەتسەك, 2022 جىلى 10 000 ورىنعا ارنالعان 35 جاتاقحانانى ىسكە قوسۋ جوسپارلانۋدا. تاپسىرما ورىندالا باستالعالى 30 630 ورىندىق 124 نىسان ىسكە قوسىلدى ونىن ىشىندە 2021 جىلى 10 364 ورىندىق 49 عيمارات پايدالانۋعا بەرىلدى.
