كەلىسسوز بارىسىندا قازاقستان باسشىسىنىڭ 2021 جىلى كورەيا رەسپۋبليكاسىنا ساپارى كەزىندە قول جەتكەن ۋاعدالاستىقتار اياسىندا ەكى ەل اراسىنداعى ىنتىماقتاستىقتى, ونىڭ ىشىندە پارلامەنتارالىق ءوزارا ءىس-قيمىلدى ودان ءارى نىعايتۋ ماسەلەلەرى تالقىلاندى.
تاراپتار ءبىزدىڭ ەلدەرىمىزدىڭ ساۋدا-ەكونوميكالىق جانە ينۆەستيتسيالىق سالالارداعى ىنتىماقتاستىعىنىڭ قارقىندى دامۋىن اتاپ ءوتىپ, مادەني-گۋمانيتارلىق بايلانىستاردى تەرەڭدەتۋدىڭ ماڭىزىنا توقتالدى.
جۇزدەسۋشىگە قازاقستانداعى كونستيتۋتسيالىق رەفورمانىڭ ءمان-ماڭىزى تۋرالى اقپارات ايتىلدى. «بۇگىندە ءبىزدىڭ ەلىمىز ءوز دامۋىنداعى تاريحي ماڭىزدى كەزەڭدە تۇر. پرەزيدەنت قاسىم-جومارت توقاەۆتىڭ جاڭعىرتۋ جونىندەگى كۇن ءتارتىبى جۇزەگە اسۋدا, وندا بارلىق وزگەرىستەر قامتىلىپ وتىر. ەلىمىزدىڭ ساياسي جۇيەسىن ودان ءارى دەموكراتيالاندىرۋ – باستى باعىتتاردىڭ ءبىرى», دەدى اسقار شاكىروۆ.
ۋ ۆون شيك قازاقستانداعى دەموكراتيالىق رەفورمالار كورەيادا مۇقيات قاداعالانىپ وتىرعانىن جانە ولاردى قۇپتايتىنىن اتاپ ءوتتى.
كەزدەسۋ قورىتىندىسى بويىنشا پارلامەنتارالىق ىنتىماقتاستىق بايلانىستارى بويىنشا ودان ءارى ءوزارا ءىس-قيمىل جاساۋ تۋرالى ۋاعدالاستىققا قول جەتكىزىلدى.
