اقش-تىڭ سان-حوسە قالاسىندا ۇيىمداستىرىلعان WTA 500 ءتۋرنيرىنىڭ العاشقى اينالىمىندا ە.رىباكينا الەمنىڭ 12-ءشى, وسى جارىستىڭ 7-راكەتكاسى رەتىندە تىركەلگەن رەسەيلىك داريا كاساتكينامەن كەزدەستى. ماتچتى ءساتتى باستاعان رىباكينا ءبىرىنشى پارتيانى ەكى برەيكپەن ءوز ەسەبىنە جازدى – 6:1. الايدا ەكىنشى سەتتە كاساتكينا مىقتىلىق تانىتىپ, 6:2 ەسەبىمەن تارازى باسىن تەڭەستىرىپ كەتتى. ال شەشۋشى, ءۇشىنشى پارتيادا ەلەنا كاساتكيناعا بىردە-ءبىر سەتتە قارسىلىق كورسەتە الماي, 6:0 ەسەبىمەن جەڭىلىپ قالدى.
سونداي-اق چەحيانىڭ پروستەەۆ قالاسىندا ءوتىپ جاتقان تەننيستەن 14 جاسقا دەيىنگى كوماندالىق الەم چەمپيوناتىندا قازاقستان قۇراماسىنىڭ وكىلدەرى دە العاشقى اينالىمدا جەڭىلىپ قالدى. ەكۆادورمەن وتكەن ءبىرىنشى كەزدەسۋدە دامير جالعاسباي تيتو چاۆەسكە ەسە جىبەرسە (4:6, 2:6), ەكىنشى ماتچتا زاڭعار نۇرلان ۇلى لۋكاس يۋنەستى 6:3, 6:3 ەسەبىمەن تىزە بۇكتىرىپ, تارازى باسىن تەڭەستىردى. الايدا ءۇشىنشى جۇپتىق باسەكەدە زاڭعار مەن دامير ەميليو كاماچو – تيتو چاۆەستەن ايلاسىن اسىرا المادى – 3:6, 3:6.
