ماسەلەن, مادەنيەت جانە سپورت ۆيتسە-ءمينيسترى ەرجان ەركىنباەۆتىڭ مالىمەتى بويىنشا تۋريستىك دەستيناتسيالارعا كەلۋشىلەر سانى بيىل كۇرت ارتقان. اتاپ ايتقاندا, ششۋچينسك-بۋراباي كۋرورت ايماعىنا كەلۋشىلەردىڭ سانى وسى جىلدىڭ 7 ايىندا 550 مىڭ ادامعا جەتكەن. بۇل كورسەتكىش بىلتىرعى جىلدىڭ العاشقى جەتى ايىمەن سالىستىرعاندا 2 ەسەگە وسكەن. جىل سوڭىنا دەيىن بۋرابايعا كەلەتىن تۋريستەر سانى 1 ميلليوننان اسادى دەگەن بولجام بار.
سونداي-اق بىلتىرعى جىلدىڭ سايكەس كەزەڭىمەن سالىستىرعاندا, «شىمبۇلاق» تاۋ كۋرورتىنا كەلگەن تۋريستەردىڭ سانى ەكى ەسەگە وسكەن. ءى جارتىجىلدىقتىڭ قورىتىندىسى بويىنشا الماتى تاۋ كلاستەرىنىڭ ۇلتتىق پاركتەرىنە كەلۋشىلەر سانى 50%-عا ارتقان. بيىل ۇلتتىق پاركتەرگە 2 ملن-عا جۋىق ادام بارادى دەپ بولجانۋدا.
«EQonaq ستاتيستيكالىق دەرەكتەرىنە سايكەس اپتا سايىن قازاقستانعا كەمىندە 11 مىڭ شەتەلدىك تۋريست كەلەدى. شەتەلدىكتەردى ورنالاستىرۋ ورىندارىندا تىركەۋ بويىنشا كوشباسشىلار: الماتى, نۇر-سۇلتان قالالارى جانە ماڭعىستاۋ وبلىسى. بيىلعى ناۋرىزدان باستاپ ءوسىم 136%-دى قۇرادى», دەدى ۆيتسە-مينيستر.
شەتەلدىك كەلۋشىلەر سانىنىڭ ءوسۋى حالىقارالىق اۋە قاتىناسىن قالپىنا كەلتىرۋمەن, ۆيزاسىز رەجىمدى ەنگىزۋمەن جانە ونى ىرىقتاندىرۋمەن تىكەلەي بايلانىستى.
دۇنيەجۇزىلىك ەكونوميكالىق فورۋمنىڭ دەرەگى بويىنشا ءتۋريزمنىڭ جاھاندىق رەيتينگىندە قازاقستان 2021 جىلى ءوز پوزيتسياسىن جاقسارتىپ, 117 ەلدىڭ اراسىندا 66-ورىنعا يە بولدى. ال 2019 جىلعى كورسەتكىشتە قازاقستان 140 ەلدىڭ ىشىندە 80-ورىندا تۇرعان بولاتىن.
سونىمەن قاتار ەلىمىز «باعا بويىنشا باسەكەگە قابىلەتتىلىك» ساناتىندا ءبىرىنشى ورىندا تۇرسا, «تۋريزم ماۋسىمى» بويىنشا 26-ورىنعا, «تابيعي رەسۋرستار» ساناتىندا – 33-ورىنعا, «يۋنەسكو-نىڭ دۇنيەجۇزىلىك مادەني مۇرا وبەكتىلەرىنىڭ سانى» بويىنشا 42-ورىنعا جوعارىلاعان.
