جازىلعان جايدىڭ جاڭعىرىعى
2005 جىلعى اقپاندا “ەگەمەن قازاقستان” گازەتىنە “ەر باۋكەڭنىڭ قىزى ەلەنا” دەگەن كولەمدى ماقالا جاريالاعانبىز. تىڭ دەرەك بولعاندىقتان بولار, ونى قالىڭ كوپشىلىك ىزدەپ ءجۇرىپ وقىدى, ءتىپتى “اسىلدىڭ سىنىعى تابىلدى” دەپ ءبىر-بىرىنەن ءسۇيىنشى سۇراپ, قاۋقىلداسقان قاريالارعا دا كۋا بولعانبىز. باتىردىڭ قىزىن ەلگە شاقىرۋ كىسىلىك ەكەنىن ايتىپ, سول كەزدەگى وبلىس باسشىلىعىنا ماقالا اۆتورى رەتىندە حات تا جازعانبىز.
كوپ ۇزاماي ەلەنا باۋىرجانقىزى كوركينا الاتاۋدىڭ بوكتەرىندەگى الماتىعا كەلىپ, باۋىرى باقىتجانمەن كەزدەستى. اكە قابىرىنە زيارات ەتتى.بىراق ۋاقىتتىڭ تىعىزدىعىنان بولار, اكەسىنىڭ كىندىك قانى تامعان قاسيەتتى جۋالى وڭىرىنە جولى تۇسپەدى.
“سابىر ءتۇبى سارى التىن”. جاقىندا ەلەنا اپكەمىز قاسيەتتى تاراز-اۋليەتا-جامبىل جەرىنە كەلىپ, باتىر باۋكەڭ تۋعان جۋالى اۋدانىنداعى مومىش بۇلاعىنىڭ باسىنا بارىپ زيارات ەتتى. باتىردىڭ تۋعانىنا 90 جىل تولۋ قۇرمەتىنە وراي وسىدان ون جىل بۇرىن سەرىك ءۇمبەتوۆتىڭ قولداۋىمەن تۇرعىزىلعان, بۇگىندە تاراز قالاسىنىڭ ءتورىندە ورلىك پەن ەرلىكتىڭ سيمۆولىنا اينالىپ تۇرعان باتىر ەسكەرتكىشىنە قوس باۋىر باقىتجان مەن ەلەنا گۇل شوقتارىن قويىپ, اكە رۋحىنا باس ءيدى.
ەلەنانىڭ جۇرەگىندە اكەسى ءماسكەۋگە كەلگەن سايىن قۇلاعىنا قۇياتىن “اينالايىن” دەگەن قازاقتىڭ التىنعا پارا-پار ءسوزى ماڭگىلىككە قالىپ قويعان. ودان كەيىن مومىش ۇلى وتباسى مۇزارتتارىنىڭ ءبىرى - “مۋزەي اپانىڭ” سۋرەتى كوز الدىنان كەتپەيدى. البەتتە, “باقىتجان باۋىرىم مەن اسقار شىڭدى الاتاۋدى ءبىر كورسەم” دەگەن ارمان دا كوزىنە جاس الدىراتىن. اكەسى ايتپاقشى, اينالايىن, قازاق ەلىنىڭ كەڭ جۇرەگى مەن باۋىرمال تۋىسقاندار پەيىلىنىڭ ارقاسىندا, مىنە, سول ارمان دا ورىندالدى.
قاراڭىزدارشى, ءبىرى ماسكەۋدە, ەكىنشىسى الماتىدا تۇراتىن قوس باۋىردىڭ قاتار جۇرگەنى قانداي جاراسىمدى!
كوسەمالى ساتتىباي ۇلى, جامبىل وبلىسى.
سۋرەتتە: باۋكەڭنىڭ كوپ جىلدان كەيىن تابىسقان ۇرپاقتارى باقىتجان مەن ەلەنا تاراز قالاسىنىڭ تورىندە.
ەلەنانىڭ جۇرەگىندە اكەسى ءماسكەۋگە كەلگەن سايىن قۇلاعىنا قۇياتىن “اينالايىن” دەگەن قازاقتىڭ التىنعا پارا-پار ءسوزى ماڭگىلىككە قالىپ قويعان. ودان كەيىن مومىش ۇلى وتباسى مۇزارتتارىنىڭ ءبىرى - “مۋزەي اپانىڭ” سۋرەتى كوز الدىنان كەتپەيدى. البەتتە, “باقىتجان باۋىرىم مەن اسقار شىڭدى الاتاۋدى ءبىر كورسەم” دەگەن ارمان دا كوزىنە جاس الدىراتىن. اكەسى ايتپاقشى, اينالايىن, قازاق ەلىنىڭ كەڭ جۇرەگى مەن باۋىرمال تۋىسقاندار پەيىلىنىڭ ارقاسىندا, مىنە, سول ارمان دا ورىندالدى.
قاراڭىزدارشى, ءبىرى ماسكەۋدە, ەكىنشىسى الماتىدا تۇراتىن قوس باۋىردىڭ قاتار جۇرگەنى قانداي جاراسىمدى!
كوسەمالى ساتتىباي ۇلى, جامبىل وبلىسى.
سۋرەتتە: باۋكەڭنىڭ كوپ جىلدان كەيىن تابىسقان ۇرپاقتارى باقىتجان مەن ەلەنا تاراز قالاسىنىڭ تورىندە.
