فوتوگالەرەيا • 02 تامىز، 2022

شىرايلى ولكە – شەمونايحا

1804 رەت كورسەتىلدى

كوكسۋ جوتالارىنان باستالىپ، ەرتىسكە قۇلايتىن ءۇبى وزەنىنىڭ بويىن شەمونايحا اۋدانىنىڭ اۋىلدارى جايلاعان. اۋداندا ۇزىن سانى ون اۋىلدىق وكرۋگ بار. حالىق سانى 40 مىڭنان اسىپ جىعىلادى. تۇنەۋگۇنى شەكارا شەبىندە جاتقان شەمونايحاعا ات شالدىرعانبىز.

ف

اۋداننىڭ 120 شاقىرىمى رەسەيمەن شەكتەسىپ جاتىر. شەكارا بەكەتى بولعان سوڭ با، مارقاكول، كاتون، تارباعاتايداعىداي اۋىلدارى بوس قالىپ جاتقان جوق.

ف

اۋدانعا جەتە سالا توقتاعان تۇسىمىز – «ماريانىڭ جارتاسى». ماريا جازۋشى اناتولي يۆانوۆتىڭ «تەني يسچەزايۋت ۆ پولدەن» رومانىنداعى كەيىپكەرى. روماندا رەسەي يمپەرياسىنىڭ سوڭعى جىلدارىنداعى ءولارا ۋاقىت، ازاماتتىق سوعىس، كوللەكتيۆتەندىرۋ سەكىلدى تاريحي وقيعالار باياندالادى. كەيىن «تەني يسچەزايۋت ۆ پولدەن» رومانى بويىنشا تەلەسەريال تۇسىرىلگەنى كوپشىلىك كورەرمەننىڭ ەسىندە. الايدا، كينو رەسەيدىڭ سۆەرلوۆ وبلىسىندا تۇسىرىلگەن.

ف

جازۋشى رومانىنا ارقاۋ بولعان كەيىپكەر ماريا ۆورونوۆاعا «اناتولي يۆانوۆ» اتىنداعى قوعامدىق قوردىڭ مۇرىندىق بولۋىمەن ەسكەرتكىش قويىلدى. ءمۇسىننىڭ ەسكيزىن جەرگىلىكتى سۋرەتشى ب.موروزوۆ جاساسا، ەسكەرتكىشتىڭ ءوزى قىتايدا جاسالعان.

ف

«تەني يسچەزايۋت ۆ پولدەن»، «ۆەچنىي زوۆ» سەكىلدى تۋىندىلاردىڭ اۆتورى، جازۋشى اناتولي يۆانوۆتىڭ بالالىق شاعى وسى ۇيدە وتكەن. شەمونايحا قالاسى.

ف

اۋدان باسشىلىعىنىڭ ۇلى جەڭىسكە دەگەن قۇرمەتى ەرەكشە. ولاي دەيتىنىم، ۇوس مەموريالى جارقىراپ تۇر. ماڭايى گۇلمەن كومكەرىلگەن.

ف

ورتالىق كوشەسىندە باۋىرجان مومىش ۇلىنىڭ كەۋدە ءمۇسىنى مەنمۇندالادى...

ف

تىل ەڭبەككەرلەرىنە ارناپ تا ءمۇسىن سوقتىرىپتى.

ف

بۇل ولكەتانۋ مۋزەيى بولعانىمەن، سۇيەگى مىقتى كونە عيمارات.

شەمونايحا اۋدانى

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار