«تاعى ءبىر ماڭىزدى ماسەلە – ول سۋعا ءتۇسۋ, شومىلۋ قاۋىپسىزدىك شارالارى. جاۋاپتى ورگاندار بەيبىت كۇندە ازاماتتارىمىزدىڭ وزەن-سۋعا باتىپ جاتقانىنا قاراپ وتىرماۋ كەرەك. قازىر شومىلۋ ماۋسىمىنىڭ قىزعان شاعى. 1 ماۋسىمنان بەرى ەلىمىزدە 140 ادام سۋعا كەتكەن, ونىڭ 49-ى بالا. وتكەن جىلمەن سالىستىرعاندا ادامداردىڭ سۋعا باتۋى 42 پايىزعا قىسقارعان. سوندا دا بۇل كورسەتكىش وتە جوعارى دەپ سانايمىن», دەدى ءا. سمايىلوۆ.
وسى ورايدا ۇكىمەت باسشىسى ەل ازاماتتارى بالالار قاۋىپسىزدىگىنە ساق بولۋى قاجەت ەكەنىن اتاپ ءوتتى.
ء«بىز قايعىلى جاعدايلارعا جول بەرمەۋ ءۇشىن بارلىق شارالاردى قابىلداۋىمىز كەرەك. توتەنشە جاعدايلار, ەكولوگيا مينيسترلىكتەرىنە اكىمدىكتەرمەن بىرلەسىپ سۋداعى قاۋىپسىزدىك شارالارىن كۇشەيتۋدى, وندا قۇتقارۋشىلاردىڭ بولۋىن باقىلاۋدى تاپسىرامىن. حالىق اراسىندا ءتۇسىندىرۋ جۇمىستارىن كەڭىنەن جۇرگىزىپ, سۋعا تۇسۋگە بولمايتىن جەرلەردى انىق بەلگىلەۋ قاجەت», دەدى پرەمەر-مينيستر.
