جەرەبە قورىتىندىسى بويىنشا, سەرگەي كۆاك جەتەكشىلىك ەتەتىن قازاقستاننىڭ جاسوسپىرىمدەر قۇراماسى ا توبىندا يتاليا, ارگەنتينا جانە ەكۆادور سەكىلدى الەم چەمپيوناتىنىڭ جەڭىمپازدارىمەن ءبىر توپتا سىنعا تۇسەتىن بولدى. ماسەلەن, يتاليا قۇراماسى جاسوسپىرىمدەر اراسىنداعى بىلتىرعى الەم چەمپيونى سانالسا, ارگەنتينا 2016 جىلعى الەم بىرىنشىلىگىندە توپ جارعان. سونىمەن قاتار ەكۆادور تەننيسشىلەرىن دە وسال قارسىلاستاردىڭ قاتارىنا جاتقىزۋعا بولمايدى.
جاسوسپىرىمدەر اراسىنداعى الەم چەمپيوناتىنا تۇڭعىش رەت قاتىسىپ جاتقان قازاقستان سپورتشىلارى بيىلعى دودانىڭ سەگىزىنشى ءنومىرلى قۇراماسى رەتىندە تىركەلگەن. ايتا كەتەيىك, چەحياداعى جاھاندىق دودادا ەل نامىسىن حالىقارالىق جارىستاردا ءساتتى ونەر كورسەتىپ جۇرگەن زاڭعار نۇرلان ۇلى, دامير جالعاسباي جانە دانيەل تازابەكوۆ قورعايدى.
