باعدارلامانىڭ قارجىلىق وپەراتورلارى – «ونەركاسىپتى دامىتۋ قورى» اق جانە «قازاگروقارجى» اق.
اۋىل شارۋاشىلىعى تەحنيكاسىن جەڭىلدەتىلگەن ليزينگكە بەرۋ باعدارلاماسىن ىسكە اسىرۋ ءۇشىن 40 ملرد تەڭگە بولىنەدى, ونىڭ 30 ملرد تەڭگەسىن «ونەركاسىپتى دامىتۋ قورى» اق «جاسىل دامۋ» (وكم وپەراتورى) اق قاراجاتىنان جانە 10 ملرد تەڭگەسىن «قازاگروقارجى» اق كاپيتال نارىعىنان تارتادى.
باعدارلاماعا قاتىسۋ ءۇشىن وتىنىمدەردى قابىلداۋ «قازاگروقارجى» اق-نىڭ بارلىق فيليالدارىندا اعىمداعى جىلدىڭ 5 تامىزىندا باستالادى. وتىنىمدەردى قاراۋدى, سونداي-اق وتاندىق وندىرىستەگى اۋىل شارۋاشىلىعى تەحنيكاسىن ليزينگكە بەرۋدى «قازاگروقارجى» اق كەلەسى شارتتاردا جۇزەگە اسىرادى:
- ليزينگ مەرزىمى – 10 جىلعا دەيىن;
- سىياقى مولشەرلەمەسى – جىلدىق 6%;
- ليزينگ بويىنشا باستاپقى جارنا (اۆانستىق تولەم) – ليزينگ نىساناسى قۇنىنىڭ 0%;
- نەگىزگى بورىشتى وتەۋ بويىنشا جەڭىلدىك كەزەڭى – 1 جىل;
- قارجىلاندىرۋ كولەمى – ءبىر ليزينگ الۋشىعا 205 000 000 (ەكى ءجۇز بەس ميلليون) تەڭگەدەن جانە ءبىر ليزينگ الۋشىعا اۋىل شارۋاشىلىعى تەحنيكاسىنىڭ ءۇش بىرلىگىنەن ارتىق ەمەس.
سونداي-اق قارجىلاندىرۋدىڭ ءبىر ليزينگ الۋشىعا ەكى جىلدىق كەزەڭ ىشىندە ءبىر رەتتەن ءجيى ەمەس ۇسىنىلۋى - ماڭىزدى شارت.
باعدارلاماعا كەلەسى وتاندىق وندىرىستەگى وزدىگىنەن جۇرەتىن اۋىل شارۋاشىلىعى تەحنيكالارى قاتىسادى:
LOVOL, DEUTZ FAHR, TURAN, كيروۆەتس, بەلارۋس, RSM, YTO, CLAAS XERION, DONG FENG, WUZHENG ماركالى تراكتورلار;
ESSIL, VECTOR, ACROS, TORUM, CLAAS TRION, DEUTZ FAHR ماركالى استىق جينايتىن كومبايندار (كۇرىش كومبايندارى);
سۇرلەم جينايتىن كومبايندار: جەم-ءشوپ جينايتىن جوعارى ءونىمدى كومباين (ججك), جەم-ءشوپ جينايتىن وزدىگىنەن جۇرەتىن كومباين (جوك).
اۋىل شارۋاشىلىعى تەحنيكاسىن وندىرۋشىلەردىڭ تىزىمىنە: «اگروماشحولدينگ KZ» اق, «قوستاناي تراكتور زاۋىتى» جشس, «قازاقستان اگرو يننوۆاتسيالىق كورپوراتسياسى» جشس, «سەماز» جشس, «Kazrost Engineering Ltd.» جك, «ست ەسەمبلي» جشس, «KazKioti» جشس, «متز-قازاقستان ماشينا جاساۋ زاۋىتى» جشس كىرەدى.
اۋىل شارۋاشىلىعى تەحنيكاسىن جەڭىلدەتىلگەن ليزينگكە بەرۋ باعدارلاماسى شەگىندەگى قارجىلاندىرۋدىڭ رەۆولۆەرلىك سيپاتتا بولاتىنىن, ياعني, قولدانىستاعى ليزينگتى وتەۋدەن تۇسەتىن تولەمدەردىڭ جاڭا قارجىلىق ليزينگ شارتتارىن جاساسۋعا قايتا جىبەرىلەتىنىن ايتا كەتۋ كەرەك. باعدارلامانىڭ ءوزى 20 جىلعا ەسەپتەلگەن.
