«الماتىداعى, تالدىقورعانداعى جانە تارازداعى جاپپاي تارتىپسىزدىك بارىسىندا قىزمەتتىك جانە ازاماتتىق قارۋ ۇرلانىپ, بۇل ازاماتتاردىڭ قاۋىپسىزدىگىنە ناقتى قاۋىپ ءتوندىردى. بۇگىنگى تاڭدا پوليتسەيلەر 860 قارۋ-جاراق, ونىڭ ىشىندە 475 - تابەلدىك جانە 379 - ازاماتتىق قارۋدى تاركىلەدى. قازىر سول كۇندەرى ۇرلانعان 2089 بىرلىك قارۋدىڭ ورنالاسقان جەرى ءالى انىقتالماعان», دەيدى مۇحتار قوجاەۆ.
ونىڭ ايتۋىنشا, ولاردىڭ كوپشىلىگى قارۋ-جاراق دۇكەندەرىنەن ۇرلانعان. تاعى 159 بىرلىك تراۆماتيكالىق, گاز جانە سيگنالدىق تاپانشالار رەتىندە تىركەلگەن.
سونىمەن قاتار قر ءىىم تەرگەۋ دەپارتامەنتى باستىعىنىڭ ورىنباسارى اتاپ وتكەندەي, پوليتسيا قوسىمشا 1936 قارۋدى تاركىلەدى, ولاردىڭ كوبىنەن نومىرلەر تۇسىرىلگەن.
«سوندىقتان ولاردىڭ قاڭتار ايىنداعى وقيعالارعا قاتىسى بار-جوعى انىقتالىپ جاتىر», دەپ قوستى ول.
