سەرىك قوجانيازوۆ – پرەزيدەنتتىڭ «بايقوڭىر» كەشەنىندەگى ارناۋلى وكىلى

استانا.  4 مامىر. مەملەكەت باسشىسىنىڭ وكىمىمەن سەرىك سالاۋات ۇلى قوجانيازوۆ قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندەگى ارناۋلى وكىلى قىزمەتىنە تاعايىندالدى. ول بۇل قىزمەتىن قىزىلوردا وبلىسى اكىمىنىڭ ورىنباسارى بولا ءجۇرىپ اتقارادى. بۇل تۋرالى «قازاقپارات» حابارلادى. سەرىك قوجانيازوۆ 1965 جىلى قىزىلوردادا تۋعان, كۋزباسس پوليتەحنيكالىق ينستيتۋتىن ينجەنەر-مەحانيك جانە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىن ەكونوميست ماماندىعى بويىنشا تامامداعان. ەڭبەك جولىن 1989 جىلى قىزىلوردا جوندەۋ-مەحانيكالىق زاۋىتىندا ينجەنەر-تەحنولوگ بولىپ باستاعان. 2001-2004 جىلدارى قىزىلوردا وبلىسى اكىمدىگى اپپاراتىندا يندۋستريالدى دامۋ ءبولىمىنىڭ مەڭگەرۋشىسى, 2005-2007 جىلدارى وبلىستىق كاسىپكەرلىك جانە ونەركاسىپ دەپارتامەنتىنىڭ ديرەكتورى, 2007-2008 جىلدارى قىزىلوردا قالاسىنىڭ اكىمى, 2008-2012 جىلدارى ۇكىمەت كەڭسەسىندە باس مامان, ۇيىمداستىرۋ جۇمىستارى جانە ايماقتىق دامۋ ءبولىمى مەڭگەرۋشىسىنىڭ ورىنباسارى بولىپ قىزمەت اتقاردى. 2012 جىلدان ۇكىمەت  كەڭسەسىندە ايماقتىق دامۋ ءبولىمىن باسقارىپ كەلدى. ال  مەملەكەت باسشىسىنىڭ وكىمىمەن رزاقۇل سادەن ۇلى نۇرتاەۆ قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندەگى ارناۋلى وكىلى قىزمەتىنەن بوساتىلدى. جولدىباي بازار. دەرەككوز: «قازاقپارات». فوتو: Tour.kz.