سمارتفونداعى مەملەكەتتىك قىزمەتتەر كوبەيدى

قۇجاتتاردى تسيفرلى فورماتقا كو­شى­رۋ – مەملەكەتتىڭ باستى باعىت­تا­رى­نىڭ ءبىرى. قاعازباستىلىقتان ارى­لىپ, نەعۇرلىم ونلاين قىزمەتتەردى كوبەيتۋ – الەمدىك اقپاراتتىق تەحنولوگيا كوشىنە ىلەسۋدىڭ ءبىر جولى. سونىڭ ءبىر كورىنىسى – ەلەكتروندى ۇكىمەتتىڭ موبيلدىك قوسىمشاسى.

بۇگىندە قوسىمشادا 400-گە جۋىق مەم­لەكەتتىك ونلاين قىزمەت پەن eGov.kz جانە E-lisence پورتال سەرۆيستەرى ەن­گى­زىلگەن. ەندى 2022 جىلدىڭ سوڭىنا دە­يىن مەملەكەتتىك قىزمەتتەردىڭ 80%-ىن «سمارتفونداۋ» جوسپارلانىپ وتىر. 2025 جىلعا قاراي پرەزيدەنتتىڭ تاپسىرماسى بويىنشا بۇل كورسەتكىش 100% مەجەگە جەتكىزىلمەك.

«ۇلتتىق اقپاراتتىق تەحنولوگيالار» اق باسقارما توراعاسىنىڭ ورىنباسارى اراي ۋرازوۆانىڭ ايتۋىنشا, جۇرتشىلىقتىڭ يگىلىگىنە اينالعان EGov mobile ءموبيلدى قوسىمشاسى قولدانىسقا ەنگىزىلگەلى بىرنەشە رەت جەتىلدىرىلگەن. وتكەن جىلدىڭ ناۋرىز ايىندا eGov mobile جاڭارتىلعان نۇسقاسى ىسكە قو­سىل­عان. ال قازىر قوسىمشاداعى 400-گە جۋىق مەملەكەت ۇسىناتىن قىزمەتتىڭ 150-ءى – eGov.kz پورتالىنداعى نۇسقا بولسا, 250 قىزمەتى – e-license پورتالىندا  جەكە تۇلعالارعا كورسەتىلەتىن قىزمەت. بۇل جالپى مەملەكەت كورسەتەتىن قىزمەتتىڭ 72%-ىن قۇرايدى.

«EGov mobile ىسكە قوسىلعان ساتتەن باستاپ, بۇگىنگە دەيىن  29 092 402 قىزمەت ءتۇرى كورسەتىلدى. بەلسەندى پايدالانۋشىلار سانى ەداۋىر ارتتى. ەگەر 2019 جىلى شامامەن 510 مىڭ پايدالانۋشى بولسا, 2020 جىلى – 3,3 ملن, 2021 جىلى – 6,6 ملن, 2022 جىلعى ماۋسىمدا 12,5 ملن ازامات ءموبيلدى قوسىمشانى پايدالانادى», دەيدى ا.ۋرازوۆا.

قوسىمشادا بىرنەشە ۇلكەن ءبولىم بار. ولاردىڭ كومەگىمەن قاجەتتى قۇجاتتى نەمە­سە كورسەتىلەتىن قىزمەتتى وڭاي تا­بۋعا بولادى. ايتالىق, «تسيفرلى قۇجات­تار», «ومىرلىك جاعدايلار», «كور­سەتى­لەتىن قىزمەتتەر» (eGov.kz جانە e-License قىزمەتتەردىڭ جەكە كاتالوگى), «حابار­لامالار» جانە ت.ب.

مۇنداعى «تسيفرلى قۇجاتتار» سەرۆيسىنىڭ ءوزى 18 قۇجاتتان تۇرادى. مىسالى, جەكە كۋالىك, جۇرگىزۋشى كۋالى­گى, ۆاكتسينالاۋ پاسپورتى, پتر تەست جانە تۋ تۋرالى كۋالىك جانە باسقا دا قۇجاتتار وسى بولىمگە توپتاستىرىلعان.  «پايدالانۋشىلارعا ىڭعايلى بولۋى ءۇشىن بەلگىلى ءبىر تاقىرىپ بويىنشا پايدالى اقپارات جيىنتىعىنان تۇراتىن «ومىرلىك جاعدايلار» جاڭا ءبولىمىن ىسكە قوستىق. بۇل سەرۆيس ازاماتتارعا قاجەتتى مەملەكەتتىك قىزمەت تۇرلەرىن الۋعا ءوتى­نىم بەرۋگە جانە اقپاراتتى ىزدەۋ كەزىندە ۋا­قىت ۇنەمدەۋگە ارنالعان», دەيدى مامان. جۇرتشىلىق اراسىندا ەڭ تانىمالى بولعان بۇل سەرۆيس ءتۇرىن ينتەرنەتسىز-اق پاي­دالانۋعا بولاتىنىن ەستەرىڭىزگە سالامىز.

بۇعان قوسا, قوسىمشانى قولدانۋشى­لار تسيفرلى قۇجاتتاردان قانداي دا ءبىر قاتەنى بايقاسا, ونى ءتيىستى مەكەمەگە حابارلاي الادى. ول ءۇشىن «قاتە تۋرالى حابارلاۋ» باتىرماسىن باسىپ, e-Otinish پلاتفورماسى ارقىلى ءتيىستى مەملەكەتتىك ورگانعا ءوتىنىش جولدايدى.

سونداي-اق احات (بۇرىنعى احاج) جۇيە­سىندە قاتەلەردى دە قوسىمشادان تۇ­زەۋگە بولادى. ماسەلەن, تۋ تۋرالى كۋالىك, نەكە قيۋ جانە بۇزۋ, بالا اسى­راپ الۋ, اكەسى ەكەنىن انىقتاۋ, اتى-ءجونىن وزگەرتۋ, قايتىس بولۋ تۋرالى ما­لىمەتتەردى جوندەۋ كەرەك بولسا, قوسىم­شا ارقىلى وعان دا قول جەتكىزۋگە بولادى.

ء«بىز قوسىمشانى ۇنەمى جەتىلدىرىپ وتىرامىز. جاقىندا الەمدىك تاجىريبەنى ەسكەرە وتىرىپ, قوسىمشاعا بيومەتريا كومەگىمەن كىرۋدى ەنگىزدىك. ونىڭ ارتىق­شى­لىعى كوپ. اتاپ ايتقاندا, قوسىم­شاعا  Face ID, ساۋساق ءىزى نەمەسە قىسقا كود ارقىلى كىرۋگە بولادى. سونى­مەن قاتار push حابارلاما الۋ, ەتسق كىلت­تە­رىن شىعارۋ, e-otinish پلاتفورماسى ارقىلى وتىنىشتەر جىبەرۋ مۇمكىندىگى بار. اۆتوريزاتسيادان ءوتۋ  تۋرالى تولىق بەينە­نۇسقاۋلىقپەن https://www.youtube.com/watch?v=EBRnNfJlBJA&feature=youtu.be سىلتەمەدەن تانىسۋعا بولادى», دەيدى «ۇات» اق باسقارما توراعاسىنىڭ ورىنباسارى.

ايتپاقشى, ەتسق كىلتىن دە وسى ءمو­بيل­دى قوسىمشادان الۋعا بولادى. ول ءۇشىن حالىققا قىزمەت كورسەتۋ ورتالىق­تا­رىنا بارۋدىڭ قاجەتى جوق. ەڭ باستىسى, قوسىمشادا بەينە سايكەستەندىرۋدەن ءوتىپ, سۇراقتارعا جاۋاپ بەرۋ كەرەك. پرو­تسەسس قاراپايىم ءارى وڭاي.

البەتتە, ينتەرنەتتە جەكە دەرەكتەرمەن جۇمىس ىستەۋ ءبىر جاعىنان پايدالى بولسا, ەكىنشى جاعىنان قاۋىپتى. سەبەبى جەكە مالىمەتتەر ابايسىزدا جاريا ەتىلىپ, كەيبىر پىسىقتار ونى جەكە مۇددەسىنە پايدالانىپ كەتۋى مۇمكىن. بىراق «ۇلتتىق اقپاراتتىق تەحنولوگيالار» اق ماماندارى eGov mobile قوسىمشاسى قاۋىپسىزدىك جاعىنان سەنىمدى قورعالعان دەپ وتىر. «بۇل جەردە پايدالانۋشىلار ءۇشىن باستى قاۋىپ – ەتسق كىلتىن سالىقتاردى تولەۋ, ازاماتتاردى تىركەۋ جانە شىعارۋ, ءارتۇرلى انىقتاما مەن قۇجات الۋ, ايىپپۇلدى تولەۋ, ت.ب ءۇشىن ءۇشىنشى تۇلعاعا بەرۋ. جەكە تسيفرلى قولتاڭبانى ەشكىمگە بەرمەۋ كەرەك. ءتىپتى ەتسق جابىق كىلتىن باسقالارعا بەرگەنى ءۇشىن ايىپپۇلدار دا قاراستىرىلعان: جەكە تۇلعالارعا – 10 اەك, لاۋازىمدى تۇلعالارعا, شاعىن كاسىپكەرلىك سۋبەك­تىلەرىنە نەمەسە كوممەرتسيالىق ەمەس ۇيىمدارعا – 15 اەك, ورتا كاسىپكەرلىك سۋبەك­تىلەرىنە – 30 اەك, ءىرى كاسىپكەرلىك سۋبەك­تىلەرىنە 150 اەك كولەمىندە ايىپ­پۇل سالىنادى», دەيدى ا.ۋرازوۆا.

ماماندار جەكە دەرەكتەردى قورعاۋ ءۇشىن مىنا قاعيداتتاردى ەستە ۇستاۋ­عا شا­قىرادى: ەتسق كىلتىن ءۇشىنشى تۇلعا­لار­عا بەرمەۋ; ۇيىمداعى قىزمەتكەرلەردە پايدالانۋشىلاردىڭ  ەتسق-سى بولادى, ول جۇمىستان شىققان جاعدايدا ەتسق-نى  كەرى قايتارىپ الۋدى  قاداعالاۋ قاجەت; رەسمي قاعازدارعا قول قويۋعا جا­ۋاپتى قىزمەتكەرلەرگە جەكە ەتسق بەرۋ; ەتسق بار فلەشكا جوعالعان جاع­دايدا بىردەن جاڭا ەلەكتروندىق قول­تاڭبا اشۋ; حالىققا قىزمەت كورسەتۋ ورتا­لىق­تارىندا الىنعان ەتسق ءپارولىن جەكە تۇلعا ءوزى اۋىستىرىپ الۋى كەرەك, سەبەبى, وندا كوبىنە قىزمەتتى جىلدام كورسەتۋ ءۇشىن وڭاي ءارى جىلدام تەرىلەتىن ۋاقىتشا پارولدەر پايدالانىلادى جانە ەتسق الۋ ءۇشىن بەيتانىس ادامداردىڭ كومەگىنە جۇگىنبەۋ قاجەت.

جوعارىدا اتالىپ وتكەندەي, موبيل­دىك قوسىمشاداعى تسيفرلىق قۇجاتتاردى الۋ ءۇشىن بيومەتريا جانە ەتسق كومەگىمەن تىر­كەۋدەن ءوتۋ قاجەت. قۇجاتتاردى كور­سەت­كەن كەزدە قىسقا كود جانە QR كود پاي­دالانىلادى, بۇل كود از ۋاقىتقا عانا جارامدى ەكەنىن ەسكەرۋ قاجەت, دەيدى ماماندار.

ايتا كەتەرلىگى, پرەزيدەنت قاسىم-جومارت توقاەۆ «قازاقستان رەسپۋب­لي­كاسىنىڭ كەيبىر زاڭنامالىق اكتىلە­رىنە يننوۆاتسيالاردى ىنتالاندىرۋ, تسيفرلاندىرۋدى دامىتۋ جانە اق­پاراتتىق قاۋىپسىزدىك ماسەلەلەرى بو­يىن­شا وزگەرىستەر مەن تولىقتىرۋلار ەن­گىزۋ تۋرالى» زاڭعا قول قويدى. بۇل ەل ازاماتتارىنا تسيفرلى قۇجاتتاردى كوپ­تەگەن ومىرلىك جاعدايدا كەدەرگىسىز پايدالانۋعا جانە ولاردىڭ قولدانۋ اياسىن ۇلعايتۋعا مۇمكىندىك بەرەدى, دەيدى ماماندار. 

EGov Mobile توپ-10 كورسەتىلەتىن قىزمەت ءتۇرى, 2022 جىل