بيىلعى جىلدىڭ 6 ايىندا پاۆلودار وبلىسىنىڭ پوليتسيا ورگاندارى ازاماتتىق قارۋ يەلەرىنىڭ قارۋدى ساقتاۋ, تىركەۋ جانە قايتا تىركەۋ جاعدايلارىن تەكسەرۋ, حالىقتان زاڭسىز ساقتالعان قارۋ مەن وق-دارىلەردى الۋ, سونداي-اق اتىس قارۋىن قولدانۋ ارقىلى جاسالاتىن قىلمىستاردىڭ الدىن الۋ بويىنشا ازاماتتىق جانە قىزمەتتىك قارۋ اينالىمىن باقىلاۋ بويىنشا بەلگىلى ءبىر جۇمىس جۇرگىزدى.
«بارلىعى التى ايدا 10 397 ازاماتتىق قارۋ يەلەرى تەكسەرىلىپ, 533 ادام اكىمشىلىك جاۋاپكەرشىلىككە تارتىلدى. ساقتاۋ ەرەجەلەرىن بۇزعانى ءۇشىن 349 قارۋ يەسى جاۋاپقا تارتىلدى. زاڭسىز ساقتاعانى ءۇشىن 79 ازامات جازاعا تارتىلدى. قارۋدى تىركەۋ جانە قايتا تىركەۋ مەرزىمدەرىن بۇزعان 105 ادام انىقتالدى. زاڭسىز اينالىمنان 161 قارۋ تاركىلەندى», دەدى ۆەدومستۆودان.
سونداي-اق وسى جىلدىڭ 21 ساۋىرىندە باستالعان حالىقتىڭ وتەۋلى ەرىكتى تۇردە اتىس قارۋىن, وق-دارىلەر مەن جارىلعىش زاتتاردى تاپسىرۋى بويىنشا وتكىزىلىپ جاتقان كەزەكتى رەسپۋبليكالىق اكتسيا شەڭبەرىندە ازاماتتاردان 70 ءوتىنىش كەلىپ ءتۇستى. تىركەلمەگەن قارۋدىڭ 75 بىرلىگى قابىلداندى, ونىڭ ىشىندە: ۇزىن ۇڭعىلى ويىق قارۋدىڭ 16 بىرلىگى, تەگىس ۇڭعىلى قارۋدىڭ 57 بىرلىگى, تراۆماتيكالىق قارۋدىڭ ءبىر بىرلىگى جانە ويىق ۇڭعىلى قارۋدىڭ 8 287 پاتروندارى.
كوميسسيالار شامامەن 6 ملن تەڭگە سوماعا 73 قارۋ مەن 8149 پاترون ساتىپ الۋ تۋرالى 67 شەشىم قابىلدادى.
