حالىقارالىق فەدەراتسيانىڭ (IIHF) بيىلعى كونگرەسىندە جيىنعا قاتىسۋشىلار كەلەسى جىلعى جانە كەيىنگى ءۇش جىلداعى الەم چەمپيوناتىن وتكىزەتىن قالالار مەن مەملەكەتتەر ءتىزىمىن بەكىتتى. ءسويتىپ, جيىن قورىتىندىسى بويىنشا, كەلەسى جىلعى الەم چەمپيوناتى فينليانديانىڭ تامپەرە قالاسى مەن لاتۆيا استاناسى – ريگادا ۇيىمداستىرىلاتىن بولدى. چەمپيونات 2023 جىلدىڭ 12-28 مامىرى ارالىعىندا وتەدى دەپ جوسپارلانعان.
سونداي-اق شايبالى حوككەيدەن 2024 جىلعى الەم بىرىنشىلىگىن چەحيانىڭ پراگا جانە وستراۆا (10-26 مامىر), 2025 جىلعى جاھاندىق دودانى ستوكگولم (شۆەتسيا) مەن حەرنينگ (دانيا) (9-25 مامىر) جانە 2026 جىلعى چەمپيوناتتى شۆەيتساريانىڭ تسيۋريح پەن فريبۋرگ قالالارى (15-31 مامىر) قابىلدايتىن بولدى.
شايبالى حوككەيدەن الەم چەمپيوناتى 2009 جىلدان بەرى ەۋروپا ەلدەرىندە ۇيىمداستىرىلىپ كەلەدى. وزگە قۇرلىقتاعى ەڭ كەيىنگى بىرىنشىلىك 2008 جىلى كانادادا ۇيىمداستىرىلعان بولاتىن. ايتا كەتەيىك, بيىل فينليانديادا وتكەن الەم بىرىنشىلىگىندە قازاقستان قۇراماسى ناشار ونەر كورسەتسە دە, جوعارى ديۆيزيونداعى ورنىن ساقتاپ قالعان بولاتىن.
