جيىنعا اۋىل شارۋاشىلىعى ۆيتسە-ءمينيسترى جەڭىس وسەرباي, يسم ساۋدا كوميتەتىنىڭ توراعاسى ەرجان قازانباەۆ, سونداي-اق قاۋىمداستىق توراعاسىنىڭ كەڭەسشىسى ۆەرونيكا نۇرپەيىسوۆا قاتىستى.
جۋىردا قوعامدىق تاماقتانۋ قاۋىمداستىعى قانتپەن قامتاماسىز ەتۋدەگى قيىندىقتارعا بايلانىستى قوعامدىق تاماقتاندىرۋ كاسىپورىندارى بانكروتقا ۇشىراۋى مۇمكىن دەپ مالىمدەدى.
وسىلايشا, وتكىزىلگەن تالقىلاۋلاردىڭ قورىتىندىسى بويىنشا شاعىن جانە ورتا بيزنەستى قوسىمشا قولداۋ جانە قوعامدىق تاماقتانۋ وبەكتىلەرىنىڭ يندۋستريالىق قانتقا قاجەتتىلىگىن جابۋ تۋرالى شەشىم قابىلداندى. بۇگىنگى كۇنى جەتكىزىلىمدەردى باسىم تارتىپپەن ۇيىمداستىرۋ ماقساتىندا قوعامدىق تاماقتانۋ وبەكتىلەرى ءۇشىن قانت قاجەتتىلىگىنىڭ كولەمى ايقىندالادى.
ءبىرىنشى كەزەڭدە ەڭ كوپ قونىستانعان ءۇش ايماققا مىڭ توننادان استام قانت جەتكىزىلەدى.
«اۋىل شارۋاشىلىعى مينيسترلىگى قوسىمشا كولەمدى نۇر-سۇلتان, الماتى جانە شىمكەنت قالالارىنا جىبەرەدى, وندا شاعىن بيزنەس وكىلدەرى قانتتىڭ قاجەتتى كولەمىن الا الادى. سونداي-اق قاۋىمداستىق باسقا قالالار بويىنشا تىزىمدەر مەن قاجەتتىلىك ەسەپتەرىن ۇسىنادى. بۇل رەتتە قاۋىمداستىق پەن اكىمدىكتەر اتالعان قانتتى بەرۋ الگوريتمىن ازىرلەيدى», دەدى ۆيتسە-مينيستر جەڭىس وسەرباي.
