«كەڭەستىڭ قورىتىندىسى بويىنشا تاراپتار «جاسىل دامۋ» اق قاراجاتى ەسەبىنەن اۋىل شارۋاشىلىعى تەحنيكاسىن جەڭىلدىكپەن جالعا بەرۋ تەتىگىنىڭ نەگىزگى تاسىلدەرىن تالقىلاپ, كەلىستى. اۋىل شارۋاشىلىعى تەحنيكاسىن جەڭىلدىكتىلگەن تارتىپتە ليزينگكە الۋ تەتىگىن بيىلعى جاپپاي ەگىن جيناۋ جۇمىستارى باستالعانعا دەيىن, ياعني قىسقا مەرزىمدە قابىلداۋ جوسپارلانىپ وتىر. باعدارلامانىڭ شارتتارى شاعىن جانە ورتا اۋىل شارۋاشىلىعى قۇرىلىمدارىنىڭ تەحنيكانى ساتىپ الۋىن ىنتالاندىرۋعا باعىتتالادى», دەلىنگەن مينيسترلىك حابارلاماسىندا.
كەڭەسكە يندۋستريا جانە ينفراقۇرىلىمدىق دامۋ مينيسترلىگىنىڭ, «بايتەرەك» ۇبح» اق, «ونەركاسىپتى دامىتۋ قورى» اق, «قازاگروقارجى» اق, «جاسىل دامۋ» اق جانە قازاقستان فەرمەرلەر وداقتارى قاۋىمداستىعىنىڭ وكىلدەرى قاتىستى.
اتالعان باعدارلاماعا شامامەن 40 ميلليارد تەڭگە بولىنەدى دەپ جوسپارلانىپ وتىر. قارجىلاندىرۋدى «بايتەرەك» ۇبح» اق ەنشىلەس ۇيىمدارى ءوز موينىنا الادى.
ەسكە سالا كەتسەك, مەملەكەت باسشىسى قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا وتاندىق اۋىل شارۋاشىلىعى تەحنيكاسىن ساتىپ الۋ ءۇشىن جەڭىلدەتىلگەن نەسيە بەرۋ تەتىگىن ەنگىزۋدى تاپسىرعان ەدى.
