مۇحيتتىڭ ارعى بەتىندەگى لاس-ۆەگاس (اقش, نەۆادا شتاتى) قالاسىندا ورنالاسقان T-Mobile Arena-دا وتەتىن گەننادي گولوۆكين مەن ساۋل الۆارەس اراسىنداعى تريلوگيانىڭ اندەركاردىندا شارشى الاڭعا شىعاتىن احمەدوۆ امەريكالىق گابريەل روسسادومەن (26-15-1, 15 كو) جۇدىرىقتاسادى. بۇل جەكپە-جەكتە بوكسشىلار سۋپەر ورتا سالماقتاعى (76,2 كگ) «سولتۇستىكامەريكالىق» IBF چەمپيوندىق بەلدىگىن ساراپقا سالادى. 36 جاستاعى امەريكالىق گابريەل روسسادونىڭ ەسىمى قازاقستاندىق بوكس جانكۇيەرلەرىنە جاقسى تانىس. سەبەبى ول وسىدان توعىز جىل بۇرىن, ياعني 2013 جىلى گ. گولوۆكينمەن شارشى الاڭدا كەزدەسىپ, جەتىنشى راۋندتا تەحنيكالىق نوكاۋتپەن جەڭىلىپ قالعان بولاتىن.
ايتا كەتەيىك, وتانداسىمىز كاسىپقوي بوكستاعى ەڭ سوڭعى جەكپە-جەگىن 2021 جىلدىڭ جەلتوقسان ايىندا وتكىزىپ, مەكسيكالىق پاۋل ۆالەنسۋەلانى (27-11, 17 كو) ءبىرىنشى راۋندتا-اق سۇلاتىپ سالعان ەدى.
