زاۋىتتىڭ قوعاممەن بايلانىس ءبولىمى حابارلاعانداي, الاۋدىڭ جانۋىنا ەلەكتر ەنەگرياسىنىڭ ءوشۋى سەبەپ بولعان.
«KEGOC» اق ەلەكتر قۋاتىن جوسپاردان تىس توقتاتىپ تاستادى. سونىڭ سالدارىنان اتىراۋ مۇناي وڭدەۋ زاۋىتىندا ەلەكتر قۋاتى ءسوندىرىلدى. وسىعان بايلانىستى زاۋىت جۇمىسى اۆاريالىق جاعدايدا توقتاتىلدى. توتەنشە جاعدايدىڭ الدىن الۋ ءۇشىن سىرتقى ەلەكترمەن جابدىقتاۋ جۇيەسى تولىق تۇراقتانعانشا, زاۋىتتىڭ وتىن جەلىسى تەحنولوگيالىق رەگلامەنتكە سايكەس الاۋ جۇيەسىنە باعىتتالادى. «KEGOC» اق-نىڭ ەلەكتر بەرۋدى توقتاتۋى جوسپاردان تىس بولىپ وتىر. بۇل ءوندىرىستىڭ جۇمىسىنا كەرى اسەر ەتەدى», دەلىنگەن حابارلامادا.
