كەشەندى تەستىلەۋ - اقپاراتتىق-كوممۋنيكاتسيالىق تەحنولوگيالاردى قولدانا وتىرىپ, ءبىر مەزگىلدە بىرنەشە وقۋ پاندەرى بويىنشا وتكىزىلەتىن ەمتيحان نىسانى. كت جوعارى ءبىلىمنىڭ ءبىلىم بەرۋ باعدارلامالارىن مەڭگەرگەن تۇلعالار ءۇشىن وتكىزىلەدى.
153 ۇمىتكەردىڭ ىشىندە تەستىلەۋگە كىرگىزۋ كەزىندە تىيىم سالىنعان زاتتاردى الىپ وتۋگە تىرىسقان 89 ادامنىڭ تەست ناتيجەسى جويىلدى. سونداي-اق ەمتيحان كەزىندە ەرەجەلەردى بۇزعان 61 ادام ەمتيحاننان شىعارىلدى, ال بەينەجازبالاردى قايتا تەكسەرۋ ناتيجەلەرى بويىنشا تاعى 3 ادامنىڭ سىناق ناتيجەسى جويىلدى.
«كت كەزىندە وسى 3 تەستىلەنۋشى سمارتفونداردى پايدالانعان, وعان قوسا ەمتيحان ماتەريالدارىن اۋديتوريادان تىس جەرلەرگە الىپ شىققان. تەستىلەنۋشىلەردىڭ سەرتيفيكاتتارى جويىلدى, ال تەست سۇراقتارى بازادان الىندى. بارلىق بەينەجازبالار قايتا قارالادى», دەدى ر. ەمەلباەۆ.
FACE-ID جۇيەسىنىڭ ارقاسىندا تەستىلەۋگە كىرگەن كەزدە باسقا ادامدار ءۇشىن كت تاپسىرۋعا تىرىسقان 4 جالعان تۇلعا انىقتالدى.
«كت-عا تىركەلۋ كەزىندە تەست تاپسىرۋشىلاردان ەرەجەلەردى تولىق وقىپ, كەلىسىمدى بەلگىلەۋ سۇرالادى. وسىعان قاراماستان, ولاردىڭ كەيبىرەۋلەرى ءارتۇرلى ايلا-امالداردى قولدانۋعا تىرىسادى. سوندىقتان بولاشاق ماگيسترانتتاردى اكادەميالىق ادالدىق قاعيدالارىن بۇزباۋعا جانە ساقتاۋعا شاقىرامىن», دەپ قوستى ۇلتتىق تەستىلەۋ ورتالىعىنىڭ ديرەكتورى.
