ويىن كەڭسەلەرىنىڭ زاڭسىز قىزمەتى تۋرالى ءىس قىزىلوردا وبلىسى بويىنشا قما دەپارتامەنتىندە تەرگەلدى.
و.ن.تسوي ەسىمدى ازامات ويىن مەكەمەسىنىڭ قىزمەتىن ۇيىمداستىرعان. ول زاڭمەن بەلگىلەنگەن ورىنداردان تىس جەردە قۇمار ويىندار وتكىزىپ, پايداعا كەنەلىپ وتىرعان. تسوي بۋكمەكەرلىك كەڭسەنىڭ اتىنان ءۇي-جايدى جالعا الىپ, ىشىنە 9 كومپيۋتەر ورناتقان.
«ساراپتاما قورىتىندىسىنا سايكەس, ورناتىلعان باعدارلامالار ارقىلى ونلاين ويىن سايتتارىن ىسكە قوسۋعا مۇمكىندىك بەرىلەدى. سونداي-اق, ول ءۇش ادامدى قىزمەت كورسەتەتىن پەرسونال رەتىندە جالداعانى انىقتالدى», دەلىنگەن اگەنتتىك حابارلاماسىندا.
ەكىنشى سوتتالۋشى ق.ناۋرىزباەۆ پاتەردى جالعا الىپ, «ەلەكتروندىق رۋلەتكا» ارنايى ويىن جابدىقتارىن قويعان.
سوتتالۋشىلاردىڭ ەكەۋىنە دە ايىپپۇل تولەۋ ءۇشىن ءبىر اي مەرزىم بەلگىلەنگەن. ايىپپۇلدان جالتارۋ جاعدايىندا وتەم ماجبۇرلەۋ تارتىبىمەن جۇرگىزىلەدى.
