بيرجاداعى بەلسەندىلىك بىركەلكى ەمەس

2022 جىلعى ماۋسىمنىڭ سوڭىنداعى جاعداي بويىنشا, ءاىح-ءتىڭ رەسمي تىزىمىنە ءارتۇرلى 87 ەميتەنتتىڭ 131 باعالى قا­عاز­دار شىعارىلىمى, ونىڭ ىشىندە 19 ETN (Exchange traded notes) كىردى. 17 قازاقستاندىق جانە 12 حالىقارالىق بروكەر ءاىح-ءتىڭ ساۋ­دا مۇشەلەرى بولىپ سانالادى. ءاىح ورتالىق دەپوزيتاريىندە ينۆەستورلاردىڭ 344 مىڭنان استام شوتى اشىلدى.

مامىردىڭ سوڭىندا ءاىح-تە ۇلەستىك قۇرالدار ليس­تين­گى بار كومپانيالاردىڭ («قاز­اتوم­ونەركاسىپ», Polymetal, «حالىق بانك», Ferro-Alloy Resources Limited, «تسەنتركرەديت بانكى», Kas­pi.kz) جالپى نارىقتىق كاپيتالداندىرۋى 20,4 ملرد دوللاردان اسىپ وتىر. ماۋسىمدا ءاىح-ءتىڭ رەسمي ءتىزىمى «قازاقستاننىڭ حالىق بانكى» اق-نىڭ 100 ملن دوللارىنىڭ كۋپوندىق مول­شەر­لەمەسى جىلدىق 2,5 پايىز­دى قۇرايتىن ءۇش جىلدىق وبلي­گا­تسيا­لارىنىڭ ليستينگىمەن تولىقتى. قازاقستاننىڭ اسا ءىرى بانكىنىڭ بۇل وبليگاتسيالار شىعارىلىمى 500 ملن دوللار كولەمىندەگى وب­ليگاتسيالىق باعدارلاماسىن ىسكە قوسۋ شەڭبەرىندە ءوتتى. 30 ماۋسىمدا Finbox ميكروقارجى ۇيىمى 3 ملن دوللار كولەمىندە دول­لار­لىق وبليگاتسيالارىن شىعاردى.

بيرجالىق ونىمدەر جەلىسىن كەڭەيتۋ بويىنشا جۇمىس جالعاس­تى­رى­لۋدا. وسى جىلعى ماۋسىمدا ەكى بيرجالىق نوتا (ETN) – iX Isla­­mic Exchange Traded Notes جانە iX China Equities BR ىسكە قو­سىلدى.

سونىمەن قاتار ماۋسىمدا ءاىح جا­ڭا قۇرال – كوممەرتسيالىق قاعازداردى ىسكە قوستى. بۇل – وزدەرىنىڭ قىسقا مەرزىمدى اينالىم كاپيتالىنا قاجەتتىلىكتەرىن قارجىلاندىرۋ ءۇشىن راستالعان كرەديتكە قابىلەتى بار كومپانيالار شىعاراتىن قامتاماسىز ەتىلمەگەن قىسقا مەرزىمدى مىندەت­تەمەلەردىڭ كەڭ تارالعان ءتۇرى.

قازاقستاننىڭ قور نارىعى ايتار­لىقتاي قۇبىلمالى ناتي­جە­لەر كورسەتۋدە. ماۋسىمنىڭ ناتي­جەلەرى بويىنشا, AIXQI يندەك­سى 1,41 پايىزعا, 754.22 پۋنكت­تەن 764.87 پۋنكتكە دەيىن ءوستى. ين­دەكسكە قارايتىن 8 كومپانيانىڭ تور­تەۋى ايدى جاسىل ايماقتا اياق­تادى. ولاردىڭ ۇشەۋى ەكى ماندىك ءوسۋ كورسەتكىشتەرىن كورسەتتى.

«حالىق بانك» اكتسيالارى جاقسى ءوسىم كورسەتتى (+17,01 پايىز). قازاقستاننىڭ اسا ءىرى بانكى 2022 جىلدىڭ ءى توقسانى بو­يىنشا ەسەبىن جاريالادى. ونىڭ ناتيجەسى بويىنشا بانكتىڭ تازا پايداسى وتكەن جىلدىڭ سايكەس كەزەڭىمەن سالىستىرعاندا 96,8 ملرد تەڭگەدەن 124,2 ملرد تەڭگەگە دەيىن ءوستى. «تسەنتركرەديت بانكى» دە جاقسى ناتيجەلەر كورسەتتى. ول ءى توقساننىڭ قورىتىندىسى بو­يىنشا, ءوزىنىڭ تازا پايداسىن ءبىر جىل بۇرىنعى دەڭگەيمەن سالىس­تىرعاندا 74,7 ملرد تەڭگەدەن 102,7 ملرد تەڭگەگە دەيىن ارتتىر­دى. بۇل «تسەنتركرەديت بان­كى» اك­تسيالارىنىڭ باعا بەلگى­لەۋ­لەرىنىڭ وسۋىنە اكەلدى (+14,73 پايىز).

«قازاقتەلەكوم» قىزمەتىنىڭ جاقسى ناتيجەلەرى Kcell-ءدىڭ الدىڭعى ايداعى قۇلدىراۋىنىڭ ەسە­سىن قايتاردى (ماۋسىمدا +11,05 پايىز). بىراق نەگىزگى كومپا­نيانىڭ اكتسيالارى ايدىڭ قورىتىندىسى بويىنشا تومەندەدى (-6,25 پا­يىز). ۋران فيۋچەرستەرىنە قاتىستى باعانىڭ وڭ ديناميكاسى «قاز­اتوم­ونەركاسىپ» اكتسيالارىنىڭ وسۋىنە ىقپال ەتتى (+2,44 پايىز). Kaspi.kz اكتسيالارىنىڭ قۇنى, كومپانيانىڭ تازا پايداسى 2021 جىلدىڭ ءى توقسانىنداعى 74,7 ملرد تەڭگەدەن 2022 جىلدىڭ ءىى توق­سانىندا 102,7 ملرد تەڭگەگە دە­يىن وسكەنىنە قاراماستان, تو­مەن­دەدى (-4,53 پايىز). S&P Global Ra­tings رەيتينگ اگەنتتىگى Kas­pi Bank-ءتىڭ ۇزاق مەرزىمدى جانە قىس­قا مەرزىمدى كرەديتتىك رەي­تينگ­­­تەرىن «ۆۆ-/ۆ» دەڭگەيىندە راس­­تادى.

كومپانيا شىعارعان ەسەپتىلىك ينۆەستورلار ءۇشىن نانىمسىز بو­لىپ شىققاندىقتان, ماۋسىم­دا KazTransOil اكتسيالارى ءوز قۇ­نىنىڭ -6,16 پايىزىن جو­عالتتى. تازا پايدا 2021 جىل­دىڭ ءى توقسانىنداعى 16,7 ملرد تەڭگەدەن 2022 جىلى 10,2 ملرد تەڭگەگە دەيىن تومەندەدى. Fitch Ra­tings رەيتينگ اگەنتتىگى KazTrans­Oil دەفولتىنىڭ شەتەلدىك ۆا­ليۋتاداعى ۇزاق مەرزىمدى رەي­تينگىن «تۇراقتى» بولجامىمەن «ۆۆۆ-» دەڭگەيىندە راستادى. Central Asia Metals اكتسيا­لارى مىس, قورعاسىن جانە مىرىش باعا­لارى تومەندەۋىنىڭ جالعاسۋى جاع­دايىندا جانە ۇلىبريتانيا ينۆەس­تورلارىنىڭ رەتسەسسيالىق كۇتۋ­لەرىمەن بايلانىستى ماۋ­سىم­نىڭ قورىتىندىسى بويىنشا تومەندەدى (-8,40 پايىز).