پوليتسيا دەپارتامەنتى نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسىمەن جانە «ەكوسەرۆيس-س» جشس بىرگە ىنتىماقتاستىق تۋرالى مەموراندۋمعا قول قويدى.
قۇجاتتىڭ ماقساتى - نۇر-سۇلتان قالاسىنىڭ قورشاعان ورتا ساپاسىن ارتتىرۋ جانە ەكولوگيالىق پروبلەمالارىن شەشۋ ماسەلەلەرى بويىنشا ىنتىماقتاستىق ورناتۋ.
ەندى پوليتسەيلەر ەكولوگتارمەن بىرلەسە وتىرىپ, اۆتوكولىكتەردىڭ قالانىڭ اتموسفەرالىق اۋاسىنا زياندى اسەرىن ازايتۋ ءۇشىن پايدالانىلعان گازدىڭ ۋىتى مەن ءتۇتىنىنىڭ نورمالارعا سايكەستىگىن تەكسەرەدى. كولىك قۇرالدارىن ارنايى قۇرالدارمەن جانە جابدىقتارمەن جاراقتاندىرىلعان جىلجىمالى ەكولوگيالىق بەكەتتەر تەكسەرەدى. وقىتىلعان ەكولوگ-وپەراتورلار اۆتوكولىك قۇرالدارى پايدالانعان گازدى ولشەپ, الىنعان دەرەكتەردى باستاپقى كەزەڭدە وڭدەيدى.
رەيد كەزىندە 354 كولىك قۇرالى تەكسەرىلدى. تەكسەرۋ ناتيجەسىندە گاز شىعارۋ نورمالارىن بۇزعان 100-دەن استام اۆتوكولىك انىقتالىپ, اكىمشىلىك جاۋاپكەرشىلىككە تارتىلدى. قر اقبتك 334-بابىنا سايكەس اۆتوكولىك جانە باسقا دا جىلجىمالى قۇرالداردى پايدالانۋ لاستاۋشى زاتتار مەن شىعارىندىلاردىڭ بولۋى نورماتيۆتەن اسىپ كەتسە, جەكە تۇلعالار - 10 اەك, ال زاڭدى تۇلعالار - 100 اەك ايىپپۇل تولەيدى.
