اۋىر اترلەتيكا فەدەراتسياسىنان ءمالىم ەتكەندەي, قازاقستان وكىلى ايجامال سانسىزباەۆا ءاربىر جاتتىعۋدا جانە قوسسايىستا كۇمىس مەدال جەڭىپ الىپ, تۇعىردىڭ ەكىنشى ساتىسىنا كوتەرىلدى.
24 شىلدە كۇنى اۋىر اتلەتيكادان جاسوسپىرىمدەر مەن جاستار اراسىنداعى ازيا چەمپيوناتىندا قازاقستاندىق سپورتشىلار ءۇش مەدال جەڭىپ العان ەدى. جاسوسپىرىمدەر اراسىندا 102 كەلىدە نيكيتا ابدراحمانوۆ التىن مەدال الدى. ول قوسسايىستىڭ ناتيجەسىندە 354 (158-196) كەلىنى باعىندىردى.
سونداي-اق ول بۇدان بۇرىن 20 جاسقا دەيىنگىلەر اراسىندا كۇمىس جۇلدەگەر اتانعان بولاتىن.
ال 17 جاسقا دەيىنگى جاسوسپىرىمدەر اراسىندا جولتاي سانجار (102 كەلى), 20 جاسقا دەيىنگى جاستار اراسىندا دينارا قىپشاقباي (81 كەلى) قولا جۇلدەگە قول جەتكىزدى.
