زاماناۋي ورتالىقتىڭ تەحنولوگيالىق قۇرال-جابدىقتارمەن جاراقتالعان. Abai IT-Valley رەزيدەنتتەرى قازىردىڭ وزىندە ۆيرتۋالدى 3D-زەرتحانا, بالاباقشالارعا ارنالعان ۇساق موتوريكانى دامىتاتىن 3D-ويىنشىقتار, NFT-كروسسوۆكالارى جانە اگروماينينگ باعىتىنداعى جوبالاردى ازىرلەپ ۇلگەردى.
تەحنولوگيالىق كلاستەردىڭ جوبالىق مەنەدجەرى اسحات بەيسەمباەۆتىڭ ايتۋىنشا, 3D-زەرتحانا وقۋشىلاردىڭ حيميا سىندى پانگە قىزىعۋشىلىعىن وياتىپ قانا قويماي, ناقتى زەرتحانالىق جاعدايدا باقىلانبايتىن رەاكتسيالارعا بايلانىستى تاۋەكەلدەر سانىن ازايتۋعا سەپتەسۋگە ءتيىس.
«مۇنداي 3D-كابينەت قازىر كوپ جانە وتە تانىمال. الايدا حيميالىق زەرتحانا – بۇل ءبىرىنشى كەزەكتە يننوۆاتسيا. نەگە ەكەنى بەلگىسىز, وسى مەكتەپ پانىمەن ازىرلەۋشىلەر وتە از جۇمىس ىستەيدى», دەدى ا.بەيسەمباەۆ.
ورتالىق وكىلى ايتقانداي, Abai IT-Valley – وڭىرلىك IT-قوعامداستىق, مۇندا اقپاراتتىق-كوممۋنيكاتسيالىق تەحنولوگيالار سالاسىنداعى ءبىلىمدى جەتىلدىرۋگە باسىمدىق بەرىلگەندىكتەن بۇل ءوزارا ءىس-قيمىل جانە ازىرلەمەلەردى ىسكە اسىرۋ الاڭى سانالادى. تاياۋ ارادا ونىڭ بازاسىندا ەگىستىككە ارنالعان ينۆەستيتسيالاردىڭ كورپوراتيۆتىك قورىن قۇرۋ جوسپارلانىپ وتىر. ونىڭ رەسۋرستارى ءوڭىردىڭ پەرسپەكتيۆالى ستارتاپ-جوبالارىن دامىتۋعا باعىتتالادى.
«قازىر وڭىرلەردە IT سالاسىن دامىتۋعا بايلانىستى ماڭىزدى مىندەت تۇر. وسىنداي كلاستەرلەردى قۇرۋ بۇل جۇمىستى جانداندىرادى. ەندى وڭىرلىك IT-مامانداردا وزدەرىنىڭ ازىرلەمەلەرىن جاساۋعا مۇمكىندىك بەرەتىن, قاجەتتى قۇرالدارىمەن جۇمىس ىستەپ, تاجىريبە الماساتىن, سول سەكىلدى جاڭا نارسەلەردى مەڭگەرۋگە جول اشاتىن الاڭ بار. IT-ستارتاپتار وزدەرىنىڭ يننوۆاتسيالىق يدەيالارى مەن جوبالارىن وسىندا جۇزەگە اسىرادى», دەدى Astana Hub-تىڭ باسقارۋشى ديرەكتورى اباي ابسامەت.
اتالعان جوبا Alikhan Bokeikhan University بازاسىندا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ, Astana Hub حالىقارالىق تەحنوپاركىنىڭ, ۇلتتىق بانكتىڭ تولەم جانە قارجىلىق تەحنولوگيالاردى دامىتۋ ورتالىعىنىڭ, سونداي-اق بيزنەس-قوعامداستىقتىڭ قولداۋىمەن قۇرىلعانىن ايتا كەتكەن ورىندى.
اباي وبلىسى
